» » Түрмеде жазықсыз 31 жыл отырып шыққан ер адам миллионер болып кетті

Түрмеде жазықсыз 31 жыл отырып шыққан ер адам миллионер болып кетті

АҚШ-тың Теннесси штатының тұрғыны Лоуренса МакКинни 2009 жылы түрмеден босатылды. Себебі оның ісіне қатысты жаңа айғақтар пайда болған еді. Қорлық және тонау фактілері бойынша айыпталған 61 жастағы ер адам кінәсіз деп танылып, өтемақы ретінде 75 доллар (24 мың теңгеден аса) берілген.
«Үкімет менің 30, тіпті 40 жыл өмірімді құрдымға жіберді. Жаңа өмір бастауға мүмкіндігім жоқ еді», – дейді МакКинни.
2017 жылы 20 желтоқсанда штат губернаторы Мак Кинниді ақтап алғаннан кейін ғана ер адам өтемақы мөлшерін ұлғайтуды талап еткен.
Штаттың шағымдарды қарастыру жөніндегі комиссиясы 21 наурызда түрмеге жазықсыз қамалған жағдайда төленетін максималды өтемақы төлеуге міндеттелді. Осылайша ер адамға 1 миллион доллар (320 миллион теңгеден аса) көлемінде өтемақы берілетін болды.
Мак Кинни қорғаушы қызметінің ақысын төлеп, қарыздарын қайтару үшін 353 мың долларды (113 миллион теңгеден аса) үкімет бірден береді. Ал қалған 647 мың (207 миллион теңгеден аса) долларды 3 350 доллар (1 миллион теңгеден аса) көлемінде ай сайынғы төлем ретінде бөліп береді. Мемлекет кемінде 10 жыл бойы төлем төлеп тұруға кепіл берді. Ал Мак Кинни қайтыс болған жағдайда, ақша оның әйелі мен балаларына берілетін болады.
23 наурыз 2018 ж. 705 0

PDF нұсқалар мұрағаты

№83 (9559)

22 қазан 2019 ж.

№82 (9558)

19 қазан 2019 ж.

№81 (9557)

15 қазан 2019 ж.

Жаңалықтар мұрағаты

«    Қазан 2019    »
ДсСсСрБсЖмСбЖс
 123456
78910111213
14151617181920
21222324252627
28293031