» » Алматы облысында кәсіпкер 2 отбасыға пәтер кілтін сыйлады

Алматы облысында кәсіпкер 2 отбасыға пәтер кілтін сыйлады

Нұр-Сұлтан, BAQ.KZ. Кәсіпкер аудандағы аз қамтылған жанұяларға жасалатын жақсылық мұнымен бітпейді деп отыр. Бұл туралы Almaty tv жазды.

Алматы облысында көпбалалы және мүмкіндігі шектеулі отбасыларға кәсіпкер қос пәтер сыйлады. Ал, Іле ауданының әкімі баспаналы болған жандарға тұрмыстық техника тарту етті.

Айта кету керек, әлеуметтік санатқа жататын тұрғындарға пәтер қызыл кірпіштен тұрғызылған жаңа үйлерден берілді. Қайырымды кәсіпкер аудандағы аз қамтылған жанұяларға жасалатын жақсылық мұнымен бітпейді деп отыр.

Су жаңа пәтер кілтіне ие болғандардың бірі – бес баланың анасы Эльмира Кеңшілбаева. Күйеуінің 45 мың теңге жалақысы мен мүгедек балаларына мемлекет тарапынан берілетін 80 мың теңгеге күн көрген бұл отбасы 14 жылдан бері пәтер жалдап тұрған. Бірде жетсе, бірде жетпей әупірімдеп күн көрген оларға жаны ашыған аудан әкімі жомарт кәсіпкерлерден көмек сұраған.

«Мүгедек балам бар. Бір пәтерден екіншісіне көшіп жүрдік. Күн көрісіміз қиындап кеткен болатын. Күні кеше ғана пәтерақыны 2 ай төлей алмағандықтан, балаларымды алып, әкімге бардым. Алдыңғы екі әкімнен еш қайыр болмап еді, жаңа әкім келе салып, осылай жарылқап жатыр», – деді қуаныштан көз жасын тыя алмаған Эльмира Кеңшілбаева.

Ал, тағы екі бөлмелі пәтер 9 жылдан бері үй кезегін күтіп жүрген Дабысбаевтарға бұйырды. Аудан орталығынан 120 шақырым қашықтықтағы Ақши ауылында тұрып келген мүмкіндігі шектеулі жандар енді Боралдай кентіндегі 48 шаршы метрлік пәтерге көшеді.  
«Қызымыз да, әйелім екеуміз де мүгедекпіз. Сол үшін аудан орталығы немесе осы Боралдай кенті сияқты үлкен ауруханасы бар жерден үй сұрағанбыз. Міне, бүгін арманымыз орындалды. Қуаныштымыз. Көп рахмет», – деді отағасы Адай Дабысбаев.

Екі пәтерді қаншаға сатып алғанын жасырған кәсіпкер жақсылық жасау әлі де жалғасады дейді. Мемлекет бизнеспен айналысып, табыс табуға мүмкіндік бергендіктен, халыққа қайырымдылық жасау – әр кәсіпкердің азаматтық міндеті дейді ол.

«Іле ауданындағы біраз кәсіпкер көпбалалы аналарға, мүгедек жандарға көмектесейік деп шештік. Себебі, ең бастысы ата-ана мен бала тоқ болса, елімізде бәрі жақсы болады», – деді құрылыс компаниясының президенті Амангелді Атаев.    

Өз қарамағындағы тұрмысы төмен отбасыларға кәсіпкерлердің көмектесуіне мұрындық болған әкім баспаналы болған қос отбасына теледидар сыйлады.

Жалпы, Іле ауданында 11 санат бойынша 3056 адам үй кезегінде тұр. Пәтерге зәру жандардың санын азайту мақсатында аудан аумағында 300 пәтерлі көпқабатты үйлердің құрылысы басталмақ.

 
Фото: дереккөз
02 мамыр 2019 ж. 152 0

PDF нұсқалар мұрағаты

№71 (9547)

10 қыркүйек 2019 ж.

№70 (9546)

07 қыркүйек 2019 ж.

№69 (9545)

03 қыркүйек 2019 ж.

Сұхбат

Жаңалықтар мұрағаты

«    Қыркүйек 2019    »
ДсСсСрБсЖмСбЖс
 1
2345678
9101112131415
16171819202122
23242526272829
30