» » Жаңаөзендіктер әлем чемпионы Б.Нұрдәулетовке көлік сыйлады

Жаңаөзендіктер әлем чемпионы Б.Нұрдәулетовке көлік сыйлады

Жаңаөзен қаласы әкімдігі мен «Өзенмұнайгаз» АҚ бокстан Әлем чемпионы Бекзат Нұрдәулетовке Тойота Камри 70 маркалы автокөлік сыйлады. Бұл туралы Жаңаөзен қалалық мәдениет бөлімі хабарлады.

Жаңаөзен қаласының әкімі Мақсат Ибағаров чемпионды құттықтап, ата-анасына алғысын білдірді. Өз сөзінде қала әкімі спортшының бапкерлерін атап өтіп, олардың Бекзат Нұрдәулетовтың Әлем біріншілігінде жеңіске жетуінің басты себепкерлері екенін айтты.

Сондай-ақ мерекелік шараға қатысқан қалалық мәслихат хатшысы Сақи Мыңбай мен «Өзенмұнайгаз» АҚ транспорт жөніндегі басқарушы директор Айтқали Бәшенов құттықтау сөзін сөйлеп, спортшыға алдағы уақытта өтетін спорт бәсекелерінде сәттілік тіледі.

Екатеринбург қаласында өткен бокстан әлем чемпионатында 81 келі салмақта алтын медаль иеленген Бекзат Нұрдаулетов әлемнің төрт дүркін чемпионы, кубалық Хулио Ла Крусты тізе бүктірген болатын. Финалдық жекпе жекте өзбек боксшысы Дилдошбек Рузметовты айқын басымдықпен жеңді.

Осыған дейін облыс әкімі Серікбай Трұмов Бекзат Нұрдәулетовке пәтер кілтін сыйға тартқан болатын. Жаңаөзен қаласы әкімдігі мен «Өзенмұнайгаз» АҚ бірлесе бүгін чемпионға темір тұлпар мінгізіп, боксшыға көрсетілер құрметті жалғастырды.

egemen.kz
09 қазан 2019 ж. 138 0

PDF нұсқалар мұрағаты

№41 (9620)

02 маусым 2020 ж.

№40 (9619)

30 мамыр 2020 ж.

№39 (9618)

26 мамыр 2020 ж.

Хабарландыру

ЖҰРТШЫЛЫҚ НАЗАРЫНА!

01 маусым 2020 ж. 68

Жаңалықтар мұрағаты

«    Маусым 2020    »
ДсСсСрБсЖмСбЖс
1234567
891011121314
15161718192021
22232425262728
2930