» » "Түріңіз ұнамайды": Журналисті келеке еткен шенеунік қызметінен қуылды (видео)

"Түріңіз ұнамайды": Журналисті келеке еткен шенеунік қызметінен қуылды (видео)

Қырғызстанның премьер-министрі Мухаммедкалый Абылгазиев үкіметтің Шу облысындағы өкілі Туйгунаалы Абдраимовду қызметінен босатты деп хабарлайды Орталық Азияның жаңалықтар қызметі.

Осыған дейін Туйгунаалы Абдраимов Сокулук ауданы, Орок ауылындағы жергілікті тұрғындар арасында болған жанжалды зерттеуге барған журналистердің бірінің түрін келеке еткені туралы видео тараған.
Бейнежазба шенеунік: Тілші қызға: "Маған сіздің түріңіз ұнамайды" деп сұхбат беруден бас тартқан.
Бұл қоғамды дүр сілкіндіріп, журналистер наразылығын туғызған.
6 маусымда бір топ журналист Шу облыстық әкімдігіне барып, Абдраимовтың өзінен түсініктеме беруін талап еткен. Онда үкімет өкілі жанжалдың неден шыққанын түсіндіргенімен, журналистен кешірім сұрамаған деп жазды басылым.

"Мен "Ала-Тоо 24" телеарнасына сұхбат беріп тұрғанда ол қыз маған дөрекі дауыспен сұрақ қойды. Оған мені тергейтін прокурор емесін ескерттім. Иә, оның түрі ұнамайды деп айтқаным рас. Бұл - өмір", - деп мәлімдеді шенеунік. Абдраимов өзін "сымбатты жігіт" деп есептемейтінін айтты.

Кейін қоғам белсенділері оның қызметінен кетуін талап етті.





https://kaz.nur.kz
12 маусым 2019 ж. 235 0

PDF нұсқалар мұрағаты

№71 (9547)

10 қыркүйек 2019 ж.

№70 (9546)

07 қыркүйек 2019 ж.

№69 (9545)

03 қыркүйек 2019 ж.

Сұхбат

Жаңалықтар мұрағаты

«    Қыркүйек 2019    »
ДсСсСрБсЖмСбЖс
 1
2345678
9101112131415
16171819202122
23242526272829
30