Бүгінде «жұмыссызбын», «тұрақты жұмыс табу қиын» деп өкпе-реніш айту жалқаулықтың белгісі деп ойлаймын. Өйткені елімізде жұмыссыздарды қолдауға бағытталған бағдарламалар жетерлік. Яғни еңбек етемін деген адамға мүмкіндік көп. Оған Әмірханның жолы дәлел.

Нақтырақ тоқталсам, Есет батыр ауылы­ның тұрғыны Әмірхан Сағынбаев «Мансап» ор­­та­­лығында жұмыссыз ретінде тіркеліп, қысқа мерзімді кәсіптік оқуға өтінім берген. Осы­лайша, ол еңбек нарығында сұранысқа ие «Ветеринар-санитар» мамандығы бойынша білім алады. Нәтижесінде ауылдағы «Рахым-Бек» шаруа қожалығымен жасалған келісім шарт негізінде тұрақты жұмысқа орналасқан. Қа­зіргі уақытта аталған мекемеде «Ветеринар – санитар» болып жұмыс істейді.
– Біраз уақыт жұмыссыз жүрдім. Ер адам­ға тірлік істемеген соң, қажиды екенсің. «Ман­сап» орталығына алғысым шексіз. Жалпы, ве­теринария саласын таңдауым саналы түр­де жасалған қадам болды. Себебі көзімді аш­­қалы ауылдың өмірін көрдім. Үйдегі төрт-түліктің жем-шөбін беру менің мойнымда еді. Атам қазақ ықылым заманнан мал шаруа­шылығымен айналысқандықтан осы бір ата кә­сіптің дамуына өз үлесімді қосқым келді. Сондықтан ауылдың баласы ретінде өз ауы­лымды дамытатын іспен айналысуды жөн көр­дім. Осылайша, ветеринария саласына кел­дім, – дейді жұмысшы мамандық иесі.
Мал басының көбеюі және өнімділігі жер­гілікті ветеринарлардың тиімді жұмысына бай­­ланысты. Бұл түптеп келгенде, ауылдағы ағайынның әл-ауқатына тікелей әсер етеді. Сол себепті ветеринария саласын жетілдіру қажет. Шыны керек, бүгінде жастар бұл салада еңбек еткісі жоқ. Ауыл жастары «Малдың жанынан шықпай, қорада жүремін бе?» деп қалаға қашуда. Сондықтан ветеринария қыз­метін қазіргі заман талабына сай же­тілдіру қажет, әйтпесе ауыл шаруашылығы өнім­де­рінің экспортын арттыру мүмкін емес. Ол үшін осындай Әмірхан секілді жас мамандарды жұ­мысқа тарту маңызды.
Иә, халықты табиғи таза өнімдерімен, жеңіл өнер­кәсіпті құнды шикізатпен қамтамасыз етіп отырған ауыл шаруашылығы саласы эконо­ми­камыздың, халық әлеуметі үшін де маңызды болып қала береді. Сондықтан малдың қа­уіпті кеселге шалдығуын болдырмай, төрт тү­ліктен алынатын өнімдердің адам денсаулы­­ғына зиян келтірмеуін қамтамасыз ету ба­ғытында ты­­нымсыз еңбек ететін ветеринар ма­ман­дар­дың мәртебесі қашан да биік болуы тиіс.

Жандос ЖАЗКЕН