Қазақстанда былтыр 403,9 мың бала дүниеге келді, оның 51,5%-ы ұл, 48,5%-і қыз, деп хабарлайды Ұлттық статистика бюросы.

2021 жылы Қазақстанда 446,4 мың бала өмірге келген. Өткен жылы туған балалардың 241,4 мыңы яғни, 59,8%-ы қалалық жерде дүниеге келіпті. Ал 162,4 мың бала ауылдық жерде туған. Дүниеге сәби әкелетін аналардың орташа жасы былтыр 31 жас шамасында болыпты.

2021 жылы 29-30 жас аралығы орташа жас ретінде есептелсе, 2020 жылы көбіне 29-дан жаңа асқан әйелдер ана болған. Қалада тұратындардың орташа жасы 32-ге жетіп барып босанса, ауылдағы аналардың орташа жасы 31 екен.

Ең жоғары орташа жас Астанада – 32,5 жас және Алматыда – 32,3 жас. Ең төменгі орташа жас Түркістан облысында – 30,2 болды. Нәрестелі болғандардың орташа жасы алғаш рет 26,8 жасты құрады.