Алматыда УЕФА Чемпиондар Лигасындағы «Қайрат» пен «Реал Мадрид» ойыны басталды. Бұл туралы Stan.kz ақпарат агенттігі хабарлайды.

Бүгінгі матчта “Реал Мадрид” сапында Куртуа, Асенсио, Хейсен, Алаба, Фран Гарсиа, Чуамени, Себальос, Мастантуоно, Гулер, Винисиус Джуниор, Мбаппе ойын көрсетуде. 

Ал “Қайрат” сапында Қалмурза,Тапалов, Мартынович, Сорокин, Мата, Қасабулат, Арад; Мрынский, Жоржиньо, Громыко, Сәтбаев бар.

Командарлар ойын алдында дене қыздырып алды. Артынша “Реал” мен “Қайрат” ойыншылары алаңға шығып, УЕФА Чемпиондар Лигасының әнұраны шырқалды.

Айта кетейік, Темірлан Анарбеков матчқа «Қайратқа» қолдау білдіруге келген. Алматылық ұжымды Чемпиондар Лигасына шығаруға себеп болған қақпашы бүгін «Реал Мадридтке» қарсы ойында командасына жарақатына байланысты алаңға шықпады.