Энтеробиоз ауруының қоздырғыштары –  бөсір құрты. Гельминттер адамның бүкіл мүшелері мен тіндерін зақымдайды. Мектепке дейінгі балалар мен мектеп жасындағы оқушылар арасында көп таралған гельминттер қатарына энтеробиоз және гименолепидоз жатады. 

Острицалар аш ішектің төменгі бөлігінде және тоқ ішекте мекендейді. Алдыңғы жағымен олар ішектің қабырғасында жабысып тұрады. Ұйықтап жатқанда, түнде ұрғашы острицалар тікішек арқылы сыртқа шығады.   Перианальдық ауданға әр аналығында 5-тен 12 мыңға дейін жұмыртқалайды. 4-5 сағаттан кейін жұмыртқадан личинкалар дамып,  олар адамдар үшін залалды болады. 

Перианальдық ауданның қышуы, іштің ауруы, бас ауруы, тәбеттің қашуы сияқты симптомдар пайда болады. Теріні қасығанда острицаның жұмыртқалары тырнақ астына  енуі мүмкін, төсекке, балалар ойыншығына, ыдыс-аяққа түсуі мүмкін. Ауызға, содан соң адам жұтынғанда ішекке келіп түседі, жұмыртқалардан личинкалар шығып,сол жерде дами бастайды. 12 ай адам организмінде өмір сүреді. Бірақ кейбір адамдарда жеке бастың гигиенасын сақтамағандықтан өзіне өзі жұқтыру арқылы острицалар бірнеше ай немесе жыл паразиттік күй кешеді. 

Алдын алу шараларына келсек, мектептер мен балабақшаларда санитарлық және дезинфекциялық ережелерді қатаң сақтау керек. Балалардың жеке бас гигиенасын сақтау да ерекше маңызға ие. Тырнақты  уақытылы алу, әжетханаға барғаннанкейін қолды сабындап жуу, төсеніштерді, ішкі киімдерді уақытылы ауыстыру, өтекпен басу, ойыншықтарды жуып  пайдалану да бұл дерттің алдын алуға айтарлықтай септігін тигізеді.

Айман МЕҢЛІБАЕВА,

ҚР ДСМ  СЭБК «ҰСО» ШЖҚ РМК

облысы бойынша филиалы Жалағаш ауданық

бөлімшесінің  бактериологиялық және паразитологиялық 

зерттеулерзертханасының лаборанты