«Таза Қазақстан» экологиялық акциясы аясында кент және барлық елді мекенде тазалық жұмыстары ұйымдастырылып, тұрғындар мен мекеме қызметкерлері белсене атсалысты. Аудан әкімі Ардақ Ибраимов кенттегі тазалық жұмыстарын бақылап, санитарлық тазалық кезінде жиналған қалдықтарды дер кезінде шығару жөнінде кент әкімі мен жауапты сала басшыларына нақты тапсырмалар берді.

Сондай-ақ ол аудан бойынша таза­лық жұмыстарына атсалысып жат­қан азаматтардың еңбегі, туған жерге жана­шырлығы көпке үлгі екенін де айтты. «Тазалық табалдырықтан басталады» демекші, қоршаған ортаның тазалығына жауапкершілікпен қарау – әрбір азамат­тың басты міндеті. Әр адам өз ауласын тазартып, абаттандыруға көңіл бөлсе, ауаны да тазартып, ауданды да көркей­туге үлес қосар еді.

– Әр апта сайын сенбілік жұмы­сына белсене атсалысамын. Аудан бас­­­шы­сының бастамасымен үздіксіз жүр­гізіліп жатқан сенбілік жұмысына кент тұрғындары тұрақты түрде ат са­­лы­сып, кенттің көркеюіне өзін­дік үле­с­­ін қосуда. Сенбілікке мекеме қыз­­­мет­­­керлерінен бөлек зейнет­кер қарт­­­­­­тарымыз бен кіш­кентай жасөспі­рім­де­­рі­міз де белсен­ділік танытуда, – дейді кент тұрғыны Өмірбек Аманов.
Тазалықты жанына серік еткен кент тұрғындары сенбілік барысында жол жиектері мен жаяу жүргіншілер жол­­дарын, сонымен қатар қоғамдық орын­дар­ды тазартты. Сондай-ақ жа­байы шөп­тер шабылып, қураған бұ­тақтар кесілді. Жиналған қоқыс-қал­дық­­тар арнайы техникамен тиісті орын­дарға шы­ғарылды.
Аудан көлемінде жүргізіліп жатқан қызу жұмыстарға барлық мекеме қыз­меткері бір кісідей атса­лысты. Әрбір ұжым, мекеме қызмет­керлері өздеріне бө­лінген аумақ­тарда, көшелерде таза­лық жұмыстарын қар­қынды жүргізді.
Сенбілік жұмыс­тарымен танысқан аудан әкімі Ардақ Әбдіғаппарұлы ай­мақтар бойынша тазалыққа жауап­тылар мен көше тұр­ғындарына, жалпы халыққа тұрғын үй маңында көркейту-көғалдандыру, санитарлық тазалықты сақтау керектігін, туған жердің таза бо­луын тек сенбі күні ғана емес, үздіксіз ба­қылап, мәдениеттілікті арттыру қа­жеттігін де атап өтті.
Расында ауданның көр­кеюі мен та­залығында дәл осындай сенбі­лік­ жұ­мыстарының алар орны ерекше. Осын­дай жұмыстар өңірдің таза қал­пын сақтауда. Бұл шара арқылы тұр­ғындардың табиғатқа деген жақсы қа­рым-қатынасын қалыптастыруға жә­не көшелердегі тазалықты сақтап, эко­­­ло­­­гиялық мәдениетті қалыптас­ты­рып, санитарлық жағдайын жақсар­туға бо­лады.

Сезім НҰР