Бүгін Мәдениет ауылдық округінде ауыл әкімін сайлау науқаны өтуде. Таң атысымен әріптестермен сайлау учаскесінің ашылуына қатысу үшін және саяси науқанның өту барысын ақпараттандыру мақсатында аталған елді мекенге атбасын бұрдық. Таңғы сағат 07:00 – де №144 сайлау учаскесінде әнұранымыз шырқалып, учаскелік сайлау комиссиялары мүшелерінің, БАҚ өкілдерінің, байқаушылардың және сенім білдірген адамдардың қатысуымен сайлау туралы заңның талаптарына сай сайлау учаскесі ресми түрде ашылды.

Таң сәрімен ерте келіп өз таңдауымды жасаймын деген тұрғындардың қарасы қалың. Осыдан-ақ жергілікті тұрғындардың ауыл болашағына жауапкершілікпен қарайтынын аңғардық.

Айта кетейік, ауыл бойынша жалпы дауыс берушілер саны – 1038. Оның ішінде қарттар саны – 35 болса, үйден дауыс берушілер саны – 17.
Мұнан бөлек, алғаш рет дауыс бергелі тұрған 18 жасқа толған жасөспірімдер саны – 5.