Бүгінде Б.Алтынбаев көшесіне асфальт төсеу жұмыстары аяқталды. Ал А.Ізтілеуова көшесіне тас төсеу жұмыстары жүргізіліп, енді асфальт төсеу жұмыстары басталады. Аудан әкімі Ардақ Ибраимов аталған көшелерге барып, жол құрылысымен танысты.

– Мемлекет басшысы ауылдардың инфрақұрылымын жақсартуға ерекше назар аударып отыр. Халық сапалы жолдың игілігін көруі қажет. Сондықтан әр жоба сапалы әрі белгіленген мер­зімде аяқталуы тиіс, – деді Ардақ Ибраимов.
Аудан әкімі жол жөндеу сапасын жеке бақылауында ұстайтынын айтып, жауапты сала басшылары мен мердігер мекемеге нақты міндеттер жүктеді.
Айта кетейік, биыл Жалағашта жол құрылысы қарқын алып, елді ме­кендердің ішкі көшелері орташа және күрделі жөндеуден өтуде. Мәселен, биыл ауданның жол саласын дамытуға бюджеттен 1,7 млрд теңге қаралған. Тиісті қаражатқа 2,3 шақырымды құ­рай­тын аудандық маңызы бар «Ақсу-Беркімбай кәлпе» автомобиль жолы, Жалағаш кенті және М.Шәменов, Қа­ра­­кеткен, Далдабай, Ақ­қыр, Ең­бек сияқты елді мекендердегі 21 ша­­­­­­қы­рымды құрайтын 38 көшеге жөн­деу жұмыстары жүргізілуде. Аталған жо­ба­лар толығымен жүзеге асқан уақытта жақсы және қанағаттанарлық ішкі жолдардың үлесі 88 пайызды құ­райды.
«Қызылорда-Жалағаш-Ақсу-Бер­кімбай кәлпе» автомобиль жолын күр­делі жөндеу жұмыстарына облыстық бюд­жеттен 168,2 млн теңге қаралған. Ал Бұқарбай батыр ауылындағы 11 көшенің құрылысына 403,1 млн теңге бөлінген.
Биыл Жалағаш кентінде де жол құ­рылысы қарқын алды. Мә­се­­лен, аудан орталығындағы 11 кө­шенің күрделі жөн­деу жұмыстарына бюд­жет­тен қыруар қаражат қаралған бо­ла­тын.
Мөрәлі Шәменов ауылындағы Жам­был және Ердүзелова көшелерінің күр­делі жөндеу жұмыстарына қазы­надан 69 млн теңге бөлінген. Жоба құны 518,3 млн теңгені құрайтын Қаракеткен және Далдабай ауылдарындағы 16 көше де күрделі жөндеуден өтеді. Биыл бұл жұмыстарды бастау үшін 165,3 млн теңге қаралған. Мұнан бөлек жалпы құны 486,5 млн теңгені құрайтын шал­ғайдағы Аққыр елді мекеніндегі Ы.Ақ­мырзаев, Ш.Есов, М.Ахметов, Ақ­қыр, Н.Тәспенов көшелеріне күрделі жөн­деу жұмыстарын бастау мақсатында облыстық бюджеттен 180,5 млн теңге қаралды. Бүгінде бөлінген қаржы ше­гінде ауылдағы бірнеше кө­шеге ас­фальт төселіп, жол жиегіне құма­ра­лас тас төсеу жұмыстары жүргізілді.
Мұнан бөлек жол саласы бойынша барлығы 3,4 млрд теңгені құрайтын 13 жобаны қаржыландыруға бюджеттік өтінім жолданған. Алдағы уақытта бюджеттің мүмкіндігіне қарай бұл жұ­мыс­тар кезең-кезңімен жүзеге аспақ.
Тарқатып айтсақ, олардың қата­рында 86,5 млн теңгені құрайтын М.Шә­менов ауылына кіреберістен сол және оң жақ көшелердің құрылыс жұмыстары бар. Сондай-ақ дәл осы елді мекендегі 167,1 млн теңгені құрайтын Тәшімбетов көшесінің құрылыс жұмыстары тағы бар.
Кент іргесіндегі Ақсу ауылындағы 3 көшенің құрылыс жұмыстарына қа­тысты жоба да дайын. Жалпы құны – 294,9 млн теңге. Дәл осы ауыл­дағы тағы 3 көшенің күрделі жөндеу жұмыс­тары 106,9 млн теңгені қажет етеді. Ал Аққұм елді мекенінің айналма жолын реконструкциялау жұмыстарына 196,5 млн теңге қажет. Мырзабай ахун ауы­лындағы К.Оспанов және Жаңа­қоныс көшелерін күрделі жөндеу жұ­мыс­­тары да 591,9 млн теңгені қажет етеді. Қасындағы Мәдениет ауылының Жаңақоныс көшесін күрделі жөндеуге де 199,8 млн теңгенің жобасы әзір­лен­ген.
Дайын тұрған жобалар қатарында Жаңаталап ауылының 2 көшесі бар. Ішкі көшелерді күрделі жөндеуден өткізу үшін 128 млн теңге қажет. Ал шалғайдағы Есет батыр ауылының 4 көшесін күрделі жөндеуге 248,2 млн теңгені құрайтын жоба дайындалған. Қаржылай қолдау тапса, мемлекет жә­­не қоғам қайраткері Т.Жүргенов атын­­­дағы ауылда 8 көше күрделі жөн­деу­ден өтеді. Бұл жұмыстарға 677,9 млн теңге қажет.
«Жаңақоныс-Таң» аудандық маңы­зы бар автомобиль жолын рекон­струк­ция­­лау жұмыстарына да арнайы жоба дайындалған. Жобаның жалпы құны – 287,6 млн теңге. Ал «Самара-Шымкент-Мәдениет-Т.Жүргенов-Жаңаталап-Ақ­қыр» аудандық маңызы бар ав­­­­­то­мобиль жолындағы «Қорқытбай» ка­­­на­лы арқылы өтетін автомобиль кө­пі­­рін қайта жаңарту» жобасына 77 млн тең­ге қажет. «Самара-Шымкент-Таң» ау­дандық маңызы бар автомобиль жо­­лындағы «Бозарық» каналының кө­пі­рін қайта жаңғырту» жобасы 350,6 млн теңгені құрайды. Бұл жобалар қар­­жылай қолдау тапса, келер жылы да Жалағашта жол құрылысы қарқын ал­мақ.

Кенжетай ҚАЙРАҚБАЕВ