Аудан әкімі А. Есжанов жеке қабылдауға тіркелген 8 тұрғынды сұрақтары бойынша қабылдап, мәселелерін тыңдады.

Тұрғындар жеке қабылдауда жұмысқа орналасу, газ мәселесі жөнінде, қаржылай көмек және тұрғын үй мәселелері жайлы көмек сұрап, өздерін толғандырып жүрген мәселелерін жеткізді.

Аудан басшысы Асқарбек Есжанов қабылдау барысында тұрғындармен ашық әңгімелесіп, олардың мәселесін мұқият тыңдап, заңдылықтар мен ережелер аясында түсініктеме берді.

Әрі қарай зерделеу жұмыстарын жүргізіп, орындалуға тиісті бірқатар мәселелерді анықтау үшін сала бойынша тиісті сала басшыларына және ауылдық округі әкімдеріне нақты тапсырмалар берді.