eGov порталында бір ЖСН-ге тіркелген SIM карта санын тексеруге арналған жаңа функция пайда болды. Мұны қалай тексеруге болады? Massaget.kz тілшісі материалында.

Бұл қызмет мобильді нөмірлер заңсыз тіркелуіне қарсы енгізілген.

Жаңа функцияны қайдан табуға болады?

ЭЦҚ немесе SMS арқылы eGov mobile-ға тіркеліңіз. «Танымал қызметтер» бөлімінен «Абоненттік құрылғының IMEI-ін тексеру» деген тармақты таңдаңыз.

Осыдан кейін мыналарды біле аласыз:

• сіздің IMEI-іңіз деректер базасында тіркелген бе;
• сіздің IMEI-іңіз бойынша қанша SIM карта тіркелген;
• сіздің ЖСН-ге қанша нөмір рәсімделген?

Ақпарат алу үшін өзіңіз қажет нұсқаны таңдаңыз, кейін нені тексергіңіз келетініне байланысты ЖСН немесе IMEI енгізіңіз.

Айта кетейік, eGov нөмірлерді көрсетпейді, тек тіркелген SIM карта санын көрсетеді. Бұл қызмет әзірге тек eGov mobile қосымшасында қолжетімді.