ҚР Туризм және спорт министрі Ербол Мырзабосынов Париж-2024 Паралимпия ойындарының жеңімпазы — екі дүркін Паралимпиада чемпионы Давид Дегтяревті телефон арқылы жеңісімен құттықтады, деп хабарлайды Egemen.kz.

«Давид Дегтяревті Париждегі жазғы Паралимпиада ойындарындағы жеңісімен құттықтаймыз. Біздің спортшымыздың жеңіске деген темірдей ерік-жігерін, табандылығын және чемпиондық мінезін тағы да танытқанына қуаныштымын. Токиодағы Паралимпиадада Дегтярев алтын медаль жеңіп алған еді, енді биыл да отандасымыздың Олимп тұғырына көтерілгенін мақтан тұтамыз», деді Туризм және спорт министрі Ербол Мырзабосынов.