Қытай елінің Ханчжоу қаласында өтіп жатқан XIX Жазғы Азия ойындарында бокстан аса ауыр салмақта +92 келі салмақта өнер көрсеткен Қамшыбек Қоңқабаев жартылай финалда үндістандық Нарендрді 5:0 есебімен жеңіп, 2024 жылы Франция астанасы Парижде өтетін Олимпиада жолдамасын жеңіп алды.

Қамшыбек бұған дейін алғашқы кездесуін Бахрейндік боксшы Данис Латыповпен өткізіп, 5:0 есебімен жеңіске жеткен болатын, енді батырымыз Азия ойындарының ақтық сынында алтын медаль үшін таласқа түседі.