Экология және табиғи ресурстар министрлігі аң аулау ережелеріне өзгерістер енгізді. Тиісті бұйрық жобасы «Ашық НҚА» порталында жарияланды, деп хабарлайды Egemen.kz.

Құжатқа сәйкес, киіктерді аулау мерзімін 1 қазаннан 15 қарашаға дейін белгілеу ұсынылып отыр. Қоғамдық пікір 9 қарашаға дейін қолжетімді болады.

Қыркүйек айында киіктер реттеуге жататын жануарлар тізіміне енгізілді. Билік 6 қазаннан бастап 200 мың басты ұстауға рұқсат берген. Кейінірек Экология министрлігі киіктерді атуға болатынын хабарлаған еді.