Қосылған құн салығы бойынша тіркеу шегін 40 млн теңгеге дейін төмендету келісілді. Бұл туралы премьер-министрдің орынбасары – ұлттық экономика министрі Серік Жұманғарин хабарлады.

Әуелі үкімет салық реформасы аясында қазіргі 78,6 миллион теңгенің шегін 15 миллионға дейін төмендетуді ұсынған. Бірақ мәжіліс депутаттары қосылған құн салығы бойынша тіркеу шегін 40 млн теңгеге дейін төмендету қажет деп шықты. Үкімет осы ұсыныспен келісті.

«Біріншіден, қосылған құн салығы 16 процент болады. Екіншіден, қосылған құн салығының шегі 40 млн теңге мөлшерінде белгіленеді», – деді Жұманғарин мәжілістің бүгінгі отырысында.