Соңғы жылдары елімізде сот жүйесін жетілдіру бағытында бірқатар маңызды заңнамалық өзгерістер енгізілді. Бұл реформалар сот жұмысының тиімділігін арттыруға, азаматтардың құқықтарын қорғауға және сотқа деген сенімді күшейтуге бағытталған.
Судьялардың кәсіби тәуелсіздігі күшейді
Сот төрағалары мен судьяларды іріктеу тәртібі жаңартылды. Енді біліктілік талаптары қатаң, бағалау жүйесі объективті.
Сонымен қатар, тәртіптік жауапкершілік айқындалды.
Сотқа түсетін жүктемені азайту мақсатында дауларды балама жолмен шешу жолдары кеңейтілді. Бұл сот процессін жылдамдатып, азаматтарға қолжетімділікті арттырады.
Цифрландыру – сотқа қолжетімділік артып келеді
Электрондық жүйелер арқылы талап арыз беру, құжат алмасу және бейнебайланыс арқылы сот отырысына қатысу мүмкіндігі енгізілді.
Бұл жаңалық сот процесін жеңілдетіп, бюрократиялық кедергілерді азайтады. Сот шешімдері енді тез әрі ашық түрде қабылданады.
Азаматтардың құқықтары – басты назарда
Әкімшілік даулар мен әлеуметтік мәселелер бойынша құқықтық көмек сапасы жақсарды.
Сот актілерін орындау рәсімдері жетілдіріліп, алимент, еңбек даулары секілді маңызды істер жылдам қаралады. Азаматтардың құқықтары бұдан былай заң жүзінде бұрынғыдан да сенімді қорғалады.
Медиация институты дамып, міндетті талап қоюға дейінгі келіссөздер енгізілді. Татуластырушы судьялардың өкілеттігі кеңейтіліп, тараптар өзара келісімге келуге мүмкіндік алады. Медиация нәтижесінде көптеген даулар сотқа жетпей шешіледі, бұл сот уақытын үнемдейді.
Сот шешімдерінің сапасы жоғарылады. Сот актілерінің құрылымы нақтыланып, құқықтық негіздері күшейді.
Жоғарғы Соттың жаңа түсіндірмелері мен қаулылары әділ шешім қабылдауға көмектеседі. Сот шешімдері түсінікті, айқын.
Заңнамадағы өзгерістер сот жүйесін заманауи талапқа сәйкестендіріп, сот төрағаларының қызметін жеңілдетіп, халықтың сотқа деген сенімін арттыруға бағытталған. Бұл реформалар сот төрелігін әділ, ашық және тиімді етуге мүмкіндік береді.
Жалағаш аудандық сот әкімшісінің басшысы А.Алтынбаев
Пікірлер жоқ. Бірінші болыңыз!