Қызылорда облысының табиғи ресурстар және табиғат пайдалауды реттеу басқармасы басшысының бұйрығыменТөлегенов Жақыпбек Тынарбайұлы Жалағаш орман және жануарлар дүниесін қорғау жөніндегі мемлекеттік мекемесінің директоры лауазымына тағайындалды.

Жақыпбек Тынарбайұлы, 1965 жылы Жалағаш ауданында дүниеге келген. Білімі жоғары. Оңтүстік Қазақстан техникалық университетін инженер-механик мамандығы бойынша бітірген.

Еңбек жолын 1987 жылы Аққыр совхозында комсомол комитетінің хатшысы болып бастаған.

1988-1994 жылдары сол совхозда механик, МТМ меңгерушісі;

1994-2020 жылдар аралығында «Агропромтехника» бірлестігінде механик, «Қалдан батыр» шаруашылығында директордың орынбасары, «Орталыққандырылған реттеу қызметі мемлекеттік кәсіпорынының» басшысы, «Шығарай» шаруашылығы Ақарық бөлімшесінің төрағасы, «Қызылорда Агросервис» жауапкерлігі шектеулі серіктестігі Ақарық бөлімшесінің төрағасы, «Табиғат» мемлекеттік коммуналдық кәсіпорынында бөлім басшысы;

2023 жылдан бастап «Жалағаш орман және жануарлар дүниесін қорғау жөніндегі коммуналды мемлекеттік мекемесі» директорының орынбасары лауазымын абыроймен атқарып келді.