Ұлттық вакцинация күнтізбесі – бұл профилактикалық медицинаның бағыт-бағдары, адамдардың денсаулығын ерте жастан бастап және өмір бойы сақтауға арналған. Ол қандай екпелерді, қай жаста және қандай жиілікпен жасау керектігі туралы нақты ұсыныстарды қамтиды.
Вакцинация өмірдің барлық кезеңдерін қамтиды: нәрестелік және балалық шақ, жасөспірімдік кезең, ересек өмір және қарттық.
Екпе күнтізбесі жүктілік, созылмалы аурулардың болуы, жоғары қауіпке ұшырайтын мамандықтар, эндемиялық аймақтарда тұру немесе эпидемия сияқты жеке жағдайларға бейімделуі мүмкін.
Құжатта қандай вакциналарды қолдану керектігі, тұрақты иммунитет қалыптастыру үшін қанша доза қажет екендігі, екпелер арасындағы оңтайлы аралықтар және қорғанысты қажетті деңгейде ұстау үшін қашан қайта вакцинация жасау керектігі егжей-тегжейлі көрсетілген.
Екпе күнтізбесін ұстану қоғамда ұжымдық иммунитетті қалыптастыруға ықпал етеді, инфекциялардың таралу ықтималдығын азайтады және денсаулық жағдайына байланысты вакцинация жасай алмайтын адамдарды қорғайды.
Ұлттық вакцинация күнтізбесі – бұл ғылыми зерттеулер мен көпжылдық тәжірибе негізінде жасалған жеке денсаулық сақтау жоспары. Оны сақтай отырып, адам тек қауіпті аурулардан өзін қорғап қана қоймай, бүкіл қоғамның денсаулығына үлес қосады.

Г.Айымбетова – аудандық СЭБ басқарма басшысы