«Руханият» орталығында 1 маусым – халықаралық балаларды қорғау күніне орай мерекелік шара өтті. Мерекелік шарада балалар мен оқушылардың шығармашылық қабілетін дамыту мақсатында ұйымдастырылған «Шебер қолдар» үйірмесінің көрмесі көпшілік назарына ұсынылды. Сонымен қатар жас өнерпаздар ән шырқап, би билеп, мерекелік шараның шырайын аша түсті.

Аудан әкімінің орынбасары Ғани Сүлейменов арнайы қатысып, бала­лар­ды айтулы мерекемен құттықтап, ізгі тілегін жеткізді. Сондай-ақ балалардың жазғы демалысын тиімді ұйымдастыру мақсатында ау­дан әкімінің қолдауымен бірқатар са­уықты­ру лагеріне жолда­ма табыс­талды.
Атап айтқанда, Жаңақорған ауда­нын­­дағы «Талдысу» сауықтыру лаге­рі­не, Шымкент қаласындағы «Бал­дәу­рен» республикалық оқу-сауықтыру ла­геріне, Шымкент қаласындағы «Қуа­­­­ныш» сауықтыру лагеріне, Ал­маты қаласындағы «Тау Жаңашар» сауық­­тыру лагеріне, Жалағаш кенті маңын­дағы «Ақтерек» лагеріне жолдамалар берілді.
Айта кетейік, аудан орталығындағы «Ақтерек» сауықтыру лагері балаларға есігін айқара ашты. Жазғы демалысын қызықты өткізу үшін «Ақтерекке» 80 бала аттанды. Осында жаз бойы 6 ауы­сым­мен 452 баланы қамту жос­пар­ланған. Оның ішінде 402 бала міндетті оқу қоры есебінен, 50 бала кәсіподақ есебінен демалады. Әр ауысым уақыты – 10 күн.
Лагерь аумағында жалпы 5 ғимарат орналасқан. Оның 4-еуі жатын орынға арналған ғимарат болса, мұнан бөлек 80 орындық арнайы асханасы тағы бар. Сонымен қатар ашық спорт алаңы, сырт­қы бассейн, мәдени іс-шаралар өтетін орын бар.
Мұнда танымдық-логикалық, спорт­тық жарыстар өтіп тұрады. Одан бөлек бой сергіту, ой сергіту және танымдық бағытта түрлі ойындар ұйымдастырылады. Со­ны­мен бірге лагерде сурет, қолөнер, робототехника, полиглот және өрт қауіп­сіздігі үйірмелері жұмыс істейді. Сондай-ақ тынығушыларды белгіленген күні Б.Құл­текенов атындағы аудандық жабық бассейнге, балалардың тарихи танымын кеңейту мақсатында «Руханият» орта­лығына, Қорқыт ата мемориалдық ке­шеніне саяхаттау жоспарланған.
Мектеп жанындағы күндізгі тынығу лагерлеріне тоқталсақ, 27 мамыр мен 20 маусым аралығында 20 мектепте 2 ауы­сымда 2250 бала ыстық тамақпен, 450 тамақсыз мектеп жанындағы тынығу лагері ұйымдастырылады. Мектеп жа­нын­дағы және қосымша білім беру ұйым­дары жанындағы лагерлер түрлі бағыт­та жұмыс жасайды. Оған 3260 бала қамтылады.
Сондай-ақ «Еңбек» лагеріне 1500 бала барады. Жалпы бұл шаралар шаруа қо­жалықтармен бірлесіп жүзеге асы­ры­лады. Мұнан бөлек «Кәсіптік бейімдеу» лагеріне 350, «Құқықтық кеңес» лагеріне 350, «Этноауыл» лагеріне 350, «Өнерлі мектеп» лагеріне 350, «Көркем еңбек» лагеріне 360 бала қамтылады.

Ж.АРЫН