Қазақстандықтардың жеке мәліметін интернетте заңсыз сатқан қылмыстық топ құрықталды, деп хабарлайды Polisia.kz.

Операцияны ІІМ-нің киберқылмысқа қарсы іс-қимыл департаменті Ұлттық қауіпсіздік комитетімен бірлесіп жүргізді.

«Ақпараттар мемлекеттік базалардан заңсыз алынған және Telegram арқылы таратылған, оның ішінде кейбір коллекторлық компанияларға берілген. 140-тан астам адам, оның ішінде компания иелері мен арна әкімшілері ұсталды», – деп жазылған хабарламада.

Қазіргі таңда бес күдікті қамауға алынды.

«Тінту барысында 400-ден астам компьютерлік және басқа да электронды техника тәркіленді, – деді ІІМ киберқылмысқа қарсы іс-қимыл департаментінің бастығы Жандос Сүйінбай.