Мемлекеттің болашағы оның азаматтарының ел өміріне қаншалықты белсенді араласатынына байланысты. Қоғамдық мәселелерге өз пікірін білдіру, бастамаларды қолдау және маңызды шешімдер қабылдау үдерісіне қатысу – азаматтық жауапкершіліктің басты көріністерінің бірі.

Құрылтай сайлауы да осы қоғамдық белсенділікті арттыруға бағытталған маңызды үдеріс ретінде ерекшеленеді. Құрылтай алаңында елдің әр өңірінен түрлі сала өкілдерінің басын қосып, қоғамның өзекті мәселелерін талқылауға мүмкіндік беріледі.

Бүгінгі таңда еліміздің дамуына үлес қосып жүрген еңбек адамдары, жастар, кәсіпкерлер, мәдениет пен спорт саласының өкілдері, қоғамдық белсенділер мен зиялы қауым өкілдерінің ұсыныстары маңызды. Себебі әр саланың өзіндік мәселесі мен оны шешуге бағытталған нақты ұсыныстары бар.

Әсіресе жастардың қоғамдық белсенділігіне ерекше мән берген жөн. Жастар – елдің келешегі ғана емес, бүгінгі өзгерістердің де белсенді қатысушысы. Олардың жаңа идеялары мен заманауи көзқарастары қоғамның дамуына серпін береді.

Ал аға буынның өмірлік тәжірибесі мен кейінгі буынның жаңашылдығы өзара сабақтасқанда ғана қоғамның тұрақты дамуына берік негіз қалыптасады.

Сайлауға қатысу – әр азаматтың өз таңдауын білдіру мүмкіндігі. Сондықтан бұл үдеріске жауапкершілікпен қарап, өз таңдауын саналы түрде жасау маңызды.

Елдік мәселелерге бейжай қарамай, қоғам өміріне белсенді араласу – мемлекет болашағына деген құрметтің белгісі. Әр азаматтың пікірі мен таңдауы қоғамдық дамудың маңызды бөлігі болып табылады.

Саналы таңдау – ел болашағына деген жауапкершілік. Қоғамның дамуы – әр азаматтың белсенді ұстанымынан басталады.