Әдеп – мемлекеттік қызметшінің кәсіби бейнесін айқындайтын басты құндылықтардың бірі. Ол қызметтік міндеттерді адал атқарумен қатар, қоғаммен қарым-қатынаста сыпайылықты, әділдікті және ашықтықты сақтауды талап етеді. Мемлекеттік қызметтегі әдеп нормалары халықтың билікке деген сенімін қалыптастыратын маңызды фактор болып табылады.

Мемлекеттік қызметші әрбір шешім қабылдауда заңдылық пен әділеттілікті басшылыққа алуы тиіс. Қызметтік әдеп талаптарын сақтау – азаматтардың құқықтары мен заңды мүдделерін қорғауға, сыбайлас жемқорлықтың алдын алуға және қызметтік өкілеттіктерді теріс пайдалануға жол бермеуге бағытталған.

Қоғаммен тікелей байланыста жұмыс істейтін мемлекеттік қызметшілер үшін әдептілік ерекше маңызға ие. Азаматтармен қарым-қатынаста сабырлылық таныту, өтініштер мен ұсыныстарды мұқият қарау, тең көзқарас ұстану – кәсіби мәдениеттің айқын көрінісі. Бұл өз кезегінде мемлекеттік қызметтің сапасын арттыруға ықпал етеді.

Сонымен қатар, ұжым ішіндегі өзара сыйластық пен жауапкершілік те әдеп қағидаларына негізделеді. Қызметтік иерархияны сақтау, әріптестердің пікіріне құрметпен қарау және ортақ мақсат жолында бірлесе жұмыс істеу – тиімді басқарудың алғышарттары.

Қорытындылай келе, мемлекеттік қызметтегі әдеп – тек талаптар жиынтығы емес, ол әрбір қызметшінің ішкі мәдениеті мен кәсіби жауапкершілігінің көрінісі. Әдеп нормаларын мүлтіксіз сақтау арқылы ғана мемлекеттік аппараттың беделі артып, халыққа сапалы әрі сенімді қызмет көрсетуге мүмкіндік туады.

Мадина ТҰРСЫНБАЕВА,

Жалағаш аудандық қазынашылық басқармасының

бас маман-бас қазынашысы