Аудан әкімі Ардақ Ибраимовтың халық алдындағы есепті кездесуі Аққыр ауылынан бастау алды. Кездесуге аудандық мәслихат төрағасы Өмірзақ Елеусінов, аудандық мәслихат депутаттары, бөлім, мекеме басшылары қатысты. Алдымен әдеттегідей Ардақ Әбдіғаппарұлы атқарылған жұмыстарды саралап, ауыл тұрғындарының талап-тілегіне құлақ түрді. Аққыр ауылы кент орталығынан шалғайда орналасқан. Десе де аудан басшысының тікелей қолдауымен мұнда жарқын жобалар жүзеге асуда. Осыған қарап қарапайым халықтың бұған дейінгі талап-тілегі назарға алынғанын аңғару қиын емес.

Жол сапасы жақсарады

Кездесуде аудан әкімі облыс көле­мін­де, ауданда атқарылып жатқан жұ­мыстар жөнінде кеңінен баяндады.
– Мемлекет басшысы Қасым-Жо­март Кемелұлы Тоқаевтың бастама­сы­мен елімізде кешенді реформалар жүзеге асуда. «Халық үніне құлақ аса­­­тын мемлекет» тұжырымдамасы ая­­сында ел дамуының жаңа кезеңі бас­­талды. Жаңғыру мен жаңаруға ба­ғыт­­талған саяси, әлеуметтік, эконо­ми­­­калық өзгерістер ел болашағына се­німді арттырып отыр. Еліміз өркен­деп, дамудың жаңа кезеңіне қадам ба­­суда. Соның ішінде Үкіметтің ерек­ше қолдауымен, облыс әкімінің бас­та­­ма­сымен аймақта ауқымды жо­ба­лар жүзеге асуда. Қызылорда қа­­­­­ла­­­сының келбеті жаңарып, аудан мен ауылдарда инфрақұрылым, жол құ­­­­ры­лысы, әлеуметтік нысандар бой кө­­­теруде. Облыс әкімінің қолдауымен ау­­­да­нымызда да жаңа әлеуметтік, мә­дениет, спорт және денсаулық сақ­тау нысандары пайдалануға бері­луде. Со­­нымен қатар кент пен ауылдық елді ме­кен­дер­дің инфрақұрылымын дамыту, ауыл­­­дарды газдандыру бағытындағы ау­­қымды жұмыстар өздеріңіздің көз ал­да­рыңызда жүзеге асып келеді, – деді Ардақ Ибраимов.

Аудан әкімінің айтуынша, ауылда ел қажеттілігіне жарайтын жарқын жо­ба­­лар жүзеге асып, бүгінде аққыр­лық­тар оның игілігін көріп отыр. Мә­селен, биыл «Қазақстан халқына» қоры ар­қы­лы 175 млн теңгеге дене шы­нық­ты­ру-са­уық­тыру кешені шалғай ауылда бой көтеріп, ел игі­лігіне та­бысталды.
Аққыр ауылында мұнан бөлек жалпы құны 489,9 млн теңгеге 5 ішкі көшеге күрделі жөндеу жүргізу жоспарланған. Биыл облыстық бюджеттен бөлінген 182,7 млн теңгеге Н.Таспенов және Ақ­қыр көшелеріне жөндеу жұмыстары жүр­гізілді. 2026 жылы қалған 3 көшеге, яғни М.Ах­метов, Ы.Ақмырзаев, Ш.Есов көшелері күр­делі жөндеуден өтеді.
«Үлгілі елді мекен» номинациясы ая­­сында абаттандыру жобаларын жү­­­зеге асыру үшін 15 млн теңге қаралып, жалпы құны 16,5 млн тең­геге спорт­тық жаттығу алаңы салынды. Ауыл­ға кіреберістегі жасыл бел­деу қоршалып, санитарлық таза­лық жұ­мыс­­тары жүр­гізілген. Сонымен қатар кі­­реберіс пен орталық көшеге бейне­ба­қылау ка­ме­ралары орна­тылған. Бұ­дан бө­лек 2026 жы­лы 333,7 млн тең­геге 100 орындық ауыл­дық клуб құры­лысы жә­не 560,5 млн теңгеге «Ақ­қыр» ка­на­лына су ша­руашылығы жұмыс­тарын жүр­­гізуге ар­­налған жобалар әзір­леніп, бюд­жет­тік өті­німдер тиісті бас­қар­ма­лар­­ға ұсы­ныл­­ды.
Бұл – ауылдың әлеуметтік, инфра­құ­рылымдық әлеуеті артып келе жат­қанының жарқын көрінісі. Ауыл­дарды дамыту бағытындағы жұмыстар одан әрі жалғасады. Жергілікті жұрт келелі кездесуде көп мәселе көтермеді. Олай болатындай жөні бар. Өйткені шалғай ауылда осыған дейінгі кездесулерде ха­лық көтерген мәселелер ретімен ше­шімін табуда.
Айта кетейік, Аққыр ауылында кә­сіп­­кер­лік саласы да шираған. Мәсе­лен, осы­ған дейін Аққырда 96 кә­сіп­кер­лік субъектісі тіркелсе, бүгін­де оның бар­­лығы 100 пайыз жұмыс жасап тұр. Мұ­нан бөлек 4 адамның жобасы ша­ғын кәсіп бастау үшін қайтарымсыз қар­жы­лай қолдау тапқан. Бұл ауыл тұр­ғын­дарын кәсіппен айналысуға үндеу мақ­сатында түсіндірме жұмыстары ұда­­йы жүргізіліп жатқанын ­көрсе­те­ді.
– Кеше Жаңадарияда басталған есепті кездесуіміз Ақсу ауылында аяқ­тал­ды. Бүгінгі сапарымыз сіздердің ауыл­дан басталып отыр. Мақсат сол, елдің ішінде қандай мәселе бар, оның шешімі қалай, осы сауалдардың тү­йінін өздеріңізбен бірге тарқату. Бі­рақ барлығын бір уақытта шешіп бе­ру мүмкін емес. Алдағы уақытта бар­лы­ғын қаражаттың мүмкіндігіне қа­рай ше­шуге жұмыс жасаймыз. Бірақ ел­дің мә­селесі ескерусіз қалмайды, – деді аудан әкімі.

Шаруасы шираған ауыл

Шалғай ауылдардағы аудан әкі­мі­нің сапары мұнан әрі Жаңаталапта жалғасты. Білім ошағында жиналған жұртқа Ардақ Әбдіғаппарұлы ауданда атқарылған біршама жұмысты айтып өтті. Сондай-ақ алдағы уақытта да елді мекендер мәселесін шешуге тиісті жо­балар қолға алынатынын ай­тып, жа­ңаталаптықтардың да мәсе­лесі жер­­­де қалмайтынын жеткізді.
140-қа жуық отбасы бар Жаңа­та­лап­та тұрғындар кәсіпкерлікке ден қойған. Бұл шалғай ауылдың ша­руа­сының ширауына, келесі кезек­те жұ­мыс­сыздықты тұсауға да айтар­лық­тай қолғабыс болары анық. Ауыл аза­мат­тары мемлекеттік қайтарымсыз грант­ты тиімді пайдаланып, өз кәсібінің көк­­жиегін кеңейткен. Мәселен, бір ау­ыл тұрғыны мал шаруашылығын да­­­мыту бағытында 1 572 800 теңге кө­­ле­мінде грант алып, мал басын кө­бей­тіп, табысын еселеп отырса, енді бі­рі кондитерлік өнімдер өндіру ісін бір жолға қойған. Сондай-ақ тағы бір тұр­ғын құс шаруашылығын дамыту ба­ғытында грант иегері атанып, үй құс­тарының санын көбейтіп, ет және жұ­­­мыртқа өнімдерін өткізу арқылы ауыл экономикасының артуына үлесін қо­сып ке­леді.
Ауылда 9 шаруа қожалық пен 43 кәсіпкерлік субъектісі белсенді жұмыс жасауда. Қазіргі таңда ауылдық округ бойынша «Қызылорда-Жалағаш» бағытына екі жолаушы тасымалдау қызметі, бір жеке балабақша, үш сау­да-саттық дү­кені тұрақты жұмыс істеп, халыққа қыз­мет көрсетіп отыр. Мұнан бөлек ауыл әкімі Қуа­ныш Әбдіқалықовтың ай­туынша, биыл ауыл азаматтары күріш егу нау­қанын табысты қорытын­дылаған. 550 гектар алқапқа күріш дақылы егіліп, орташа өнім­­ділік гектарына 60,2 центнерді құ­раған. Нәтижесінде жалпы 331 мың 180 центнер көлемінде өнім алын­ған.
Шаруа қожалықтар әлеуметтік жа­­уап­кершілікті де назардан тыс қал­­­дырған емес. Бұл ауылда әр от­басыға қамқор­лық көрсету дәс­түр­ге айналған. «Ма­нақ-баба» және «Ақ­ниет» ­ша­руа қожа­лық­тары жыл сайын кү­ріш өнімінен көмек көрсетіп, ауыл ардагерлері мен аз қамтылған отбасыларға демеушілік танытып жүр. Ал «Ер-Әлі» шаруа қо­жалығы ардагерлер күніне орай тұр­ғындарға күріштен үлестіріп, ел ішін­дегі ынтымақтың артуына өз үлесін қо­сып келеді.
Жаңаталап ауылдық округінде 2025 жылы «Өңірлерді дамыту» бағ­дар­­­ламасы аясында П.Қарақұлұлы кө­шесі бойына жасыл екпелерге ар­нал­­ған қоршау орнату және көр­кей­ту-кө­галдандыру мақсатында «Ар­қаш» ка­налын қазу жұмыстары жүр­гізілді. Сонымен қатар жалпы құ­ны 128 млн теңгеге П.Қарақұлұлы-1 және П.Қара­құлұлы-2 көшелеріне күр­делі жөндеу жұмыстарын жүр­гі­зу үшін жоба-сметалық құ­жат­тары әзірленіп, қаржыландыруға ұсы­­ныл­ды. Мұнан бөлек жалпы құны 460 млн теңгеге 100 орындық ауыл­дық клуб­­тың құрылысына ЖСҚ әзір­ле­ніп, қаржыландыру үшін тиісті бас­қар­ма­ларға бюджеттік өтінімдер жол­данған.
Жалпы ауылдағы ағайынның не­гіз­гі тіршілік көзі – егін және мал шаруа­­шылығы. Жыл сайын дала да­ра­­­боздары ауыл шаруашылығын то­­­­­ла­­йым табыспен қорытындылайды. Ауыл­ға келген сайын аудан әкімі жаңа­талаптықтардың мәсе­ле­сіне бей­жай қараған емес. Тіпті бұ­ған де­йінгі кездесулерде көтерілген бір­­қа­тар мәселенің шешіміне әлі де жұ­мыс жа­салуда. Сондықтан ауыл­да­­ғы аға­йын Ардақ Ибраимовқа риза­шы­лық біл­­діріп, алдағы жұмысына сәт­­ті­лік ті­леді.

Кәсіпкерлік қанат жайған

Үшінші аялдамамыз – Мақ­пал­көл ауылдық округі. Қазіргі таңда ел­ді мекенде 300-ден астам отбасы бар. 1800-ден астам халық мекен ет­кен қайраткер атындағы ауылда тын­ды­рымды тірлік жетерлік. Бүгінде ауыл тұр­ғындары жарқын жобалардың игі­лі­­гін көріп отыр.
Ауыл халқының негізгі тіршілік көзі – егін және мал шаруашылығы. Бұған де­йін Сыр салысынан мол астық жи­ған жергілікті шаруашылықтар бақ­ша өнімдеріне де басымдық берген. Бір­неше гектарды құрайтын ауылдағы ал­­мабақ өнімдері бүгінде еліміз бо­йын­ша үлкен сұранысқа ие.
Жалпы қайраткер атындағы ауыл­да халық санына шаққанда жұмыс­­сыз­дық деңгейі 2,4 пайызды құрай­ды. Оның деңгейін төмендету үшін ауыл әкімі тиісті жобалар қолға алы­натынын айтады. Ол кәсіп бастаймын деген жер­лестерін сүйе­мел­деуге қа­шанда дайын. Бүгінде ауылда 11 шаруа қожалық, 85 кәсіпкер бар. Тір­кел­ген кәсіпкерлік субъектісінің қазіргі таңда 99 пайызы жұмыс жасап тұр. Бұрын елді мекенде тек егін және мал шаруашылығында жергілікті тұр­ғындар кәсібін дөңгелентсе, бүгінде сала түрленген. Былтыр 5 ауыл тұр­ғы­ны кәсіп бастауға бел буса, биыл 4 азамат ірі қара басын көбейту ба­ғытында қайтарымсыз грант иегері атанып, 5 азамат «Ауыл аманаты» бағ­дарламасы бойынша 2,5 пайызбен өз­ге облыстан асылтұқымды ірі қара малын әкелген.
Жалпы жергілікті тұрғындар кәсіп ашуда мемлекет жасап жатқан барлық мүмкіндікті тиімді пайдаланып отыр. Кә­сіпкерлік саласына серпін беруге ба­ғытталған қандай бағдарлама бар, басым бөлігіне ауыл тұрғындары құ­жат тапсырып, шаруасын ширатуда. Биыл­дың өзінде ауылдағы бірнеше аза­мат қайтарымсыз грантқа құжат тап­сырып, қаржылай қолдауға ие бол­ған.
Бұған дейінгі есепті кездесуде ауыл­дағы ағайын ішкі көшелер са­па­сы сын көтермейтінін Ардақ Әбдіғап­парұлының назарына салған болатын. Бұған қатысты аудан әкімі 677,9 млн теңгеге елді мекендегі автомобиль жол­дарын, яғни Нұрылдаев, Сәдір би, А.Қо­жахметұлы, Достық, Т.Жүргенов, Шо­тықов, Тоғанас батыр, Құттыбасов кө­шелерін күрделі жөндеу мақсатында ЖСҚ әзірленіп, қаржыландыру үшін тиісті басқармаларға өтінім жол­дан­ғанын айтты. Сондай-ақ 145 млн тең­геге ауылдық мәдениет үйіне күр­делі жөн­­деу жүргізуге құжаттар дайын­дал­ған.

Мәдениеттіктердің мәселесі
жерде қалмайды

Халықтың талап-тілегі мен ұсыныс­тарын тыңдау Мәдениет ауылында жалғасын тапты. Тұрғындар тара­пы­нан жұмыссыздық пен жол мәселесі көтерілді. Мәдениет ауылдық окру­гінде 102,5 млн теңгеге ішкі ­көше­лерді, яғни Ж.Жабаев, Д.Тобаев, А.Құ­нан­баев, З.Қауқаев көшесін жа­рық­­тан­дыру және 201,9 млн теңгеге Жа­ңа­қоныс көшесін күрделі жөндеуге ЖСҚ әзірленіп, бюджеттік өтінімдер тиісті бас­қармаларға жолданған. Ал­да­ғы уақытта бұл жобалар жүзеге ас­пақ.
Мәдениет жұртының да негізгі тіршілік көзі – егін және мал шаруа­шы­лығы. Биыл ауылдағы ағайын 3240 гек­тар алқапқа егін екті. Оның ішінде Сырдың басты дақылы 2 мың гектарға жуықтайды. Мұнан бөлек 433 гектар жаңа жоңышқа егіліп, 706 гектар ескі жоңышқа күтімге алынған.
Ауылдағы ағайын соңғы жылдары кәсіпке ден қойған. Әсіресе олар мем­лекеттік бағдар­ла­ма­лар­ды тиімді пай­даланып отыр. Со­ның нә­­тижесі болар, бүгінде ауылда бұл са­лада айтар­лық­тай серпін қа­лып­тас­қан.
Мұнда жалпы 134 кәсіпкерлік су­бъек­тісі тіркелген. Бүгінде оның ба­сым бөлігі нақты жұмыс жасап тұр. Биылдың өзінде 13 адам өз жо­ба­сын жүзеге асыру мақсатында қайта­рымсыз қаржылай қолдауға құжат тап­сырады. Абырой болғанда, оның бар­лығын мемлекет қолдап, барлық жобаға қаржылай дем берді. Бүгінде соның бәрі ауылда нақты жұмыс жа­сап тұр.
Ауыл жастарының бос уақытын тиімді пайдалану мақсатында мәде­ниет үйінде «Ән», «Би», «Көр­кем­сөз», «Қолөнер» және «Қуыр­шақ» үйір­ме­лерінде бүгінде 60-қа жуық бала қам­тылған. Мұнан бөлек №14 балалар-жас­өспірімдер спорт мектебінде 90 ба­ла дзюдо, бокс, қазақ күресімен тұ­рақ­ты шұғылданады. Қазіргі таңда атал­­ған спорт мектебінің түлектері – Азия біріншілігінің жүлдегері, респуб­ли­ка­лық сайыстардың жеңімпазы.
Қорадағы малға қасқыр емес, ит шапқан. Тұрғындардың сөзіне сүйенсек, соң­ғы уақытта ауылда ит­тер төрт тү­­­лікке ауыз салуды әдетке айнал­дырған. Келелі кездесуде жергілікті жұрт ит ату мәселесін де көтер­­ді. Бү­гін малға шапқан ит, ертең адамға шап­пасына кім кепіл? Бұл жайт алдағы уақытта аядай ғана ауылдағы аға­йын­­ның арасында алауыз­дықтың бо­луына да басты себеп болуы ғажап емес. Бірі бүтін бір қорадағы төрт түлігін қырған иттің иесіне наразылық білдірсе, қарсы тарап итін атуға ке­лісім бермейтінін айтқан. Бұл мәселе бүгінде тек М
әдениетте ғана емес, бас­қа да бірқатар ауылда өзекті мәселеге ай­налып отыр. Осы тұста аудан әкімі ертеңгі күні өзегімізді өкініш өртемес үшін тұрғындарды бұл мәселеге бей­жай қарамай, жауапкершілік таны­туы­н сұ­рады.

Электр желілері жаңартылған

Түске дейін елді мекендерге жа­са­ған сапарымыз Мырзабай ахун ау­ы­­лында қорытындыланды. Атқа­рыл­­ған жұмыстарды саралаған аудан әкі­мі ал­дағы мақсат-міндеттерді қоса қам­тып, мұнан кейін ауылдағы аға­йын­ның үніне құлақ түрді.
Жалпы ауылда соңғы жылдары жарқын жобалар жүзеге асты. Бұған дейін емхана ғимаратының сапасы сын көтермейтінін жиі айтатын жергілікті жұрт қазір заманауи аппараттармен жарақталған жаңа нысанның игілігін көріп отыр.
Ауылдық округте 1 200-ге жуық ха­лық бар. Қуантарлығы, бүгінде жер­гі­лікті халықтың кәсіп ашуға ынтасы артқан. Әсіресе ахун атындағы ауыл тұрғындары бұл мақсатта мемлекеттік бағдарламалардың қолдауын тиім­ді пайдаланып отыр. Нақтырақ тоқтал­сақ, шағын ауылда бүгінде 74 кәсіпкер бар. Оның 73-і нақты жұмыс жасап тұр. Қуантарлығы, бүгінде ауылда осыған дейін тұралаған мәселелердің алды шешімін тапқан. Мәселен, ауылда 5 ішкі көше бар. Оның 3-еуіне асфальт тө­сел­ген. Ал 2-еуі күрделі жөндеуді қа­жет етеді, яғни алдағы уақытта Жаңа­қо­ныс пен Кенжебек Оспанов көше­ле­ріне де асфальт төселеді. Сондай-ақ қар­жылай қолдау тапса, ауылда мә­­дениет үйі де бой көтереді. Бұған қа­­тыс­ты жасалған арнайы жоба да да­йын.
Мырзабай ахун ауылдық округінде «Өңірлерді дамыту» бағдарла­ма­сы­мен құны 1,6 млн теңгеге елді ме­кендегі Колхоз көшесіне көше жарық­тары орнатылып, 550 мың теңгеге елді мекеннің кіреберісі мен ішкі көшелеріне 4 бейнебақылау камерасы қойылды. Бұдан бөлек 134,7 млн теңгеге тұр­ғын үй секторының инженерлік-ком­­му­­ни­кациялық инфрақұрылымы жа­ңар­тылды. Міне, Мырзабай ахун ауы­­­лының бүгінгі тіршілігі осын­дай. Ел­­дің ауызбіршілігі мығым, аза­мат­тар­дың туған жерге деген құр­меті арт­қан, кәсіп ашуға жергілікті тұр­ғын­дар­дың талабы таудай.
Кездесу барысында аудан әкімі тұрғындармен еркін пікір алмасып, ал­да атқарылатын жұмыстарды атап өтті. Ауыл тұрғындары облыс көле­мін­де, ауданда атқарылып жатқан жұ­мыстарға оң бағасын берді.

16 көше күрделі жөндеуден өтті

Аудан әкімі Ардақ Ибраимовтың есепті кездесуі Қаракеткен ауылдық округінде жалғасты. Кездесуге ауыл тұрғындары қызығушылық танытып, ауылдық клубқа жиналыпты. Аудан басшысы халықпен амандық-саулық сұрасып, алдағы уақытта атқары­ла­тын жұмыстарды қысқаша атап өтіп, жергілікті халықтың үніне құлақ түрді.
Қаракеткенде біраз мәселенің осы күнге дейін де шешімі табылған. Қос ел­ді мекенді қамтитын ауылдық округ­те ауызсу жүйесі жаңартылып, бүгінде ел игілігіне берілген.
Мыңнан аса халқы бар ауылдық округте Сыр салысын себетін егіс ал­қабы болмағанымен мұнда халық кәсіп ашуға бейім. Мал шаруашылығын да­мытуға ден қойған ауыл тұрғындары кәсіптің бұл түрінен табысын еселеп отыр.
Жалпы ауылда 301 отбасы, 1360 адам тұрады. Оның 995-і Қаракеткен ауылында, 365-і Далдабай елді ме­ке­нінде тұрады. Қаракеткен ауыл­дық округі бойынша барлығы 115 ша­ғын және орта кәсіпкерлік тіркел­ген. Сонымен қатар 4 адам мал шаруашылығы бағытында мемле­кет­тен жалпы құны 6 миллион 300 мың теңгені құрайтын «Ұлттық жоба» бағ­дар­ламасы аясында қайтарымсыз грант алған.
Қаракеткен және Далдабай елді ме­кеніндегі 8 ішкі көшеге жарықшам орнату мақсатында ЖСҚ әзірленіп, тиісті басқармаға бюджеттік өтінім жол­­данды. Жалпы құны – 74 млн теңге. Сондай-ақ ауыл ішіне 4 бейне­бақылау камерасы орнатылды. 338 млн теңгеге жаңа дәрігерлік амбу­­ла­тория құрылысы жүргізіліп, ны­сан пай­далануға берілді. 492 млн теңгеге Қаракеткен және Далдабай елді мекендерінің Есір­ке­пов, Иір­көл, Өмірзақов, К.Маркс, Друж­ба, Жал­тынов-1, Жалтынов-2, Жал­тынов-3, Кәрібаев, Тәуелсіздік, Есір­кепов-1 кө­ше­сіне күрделі жөндеу жұ­мыстары аяқ­талды.
Бұдан бөлек 639,1 млн теңгеге 150 орындық ауылдық клуб құрылысының, сондай-ақ 94,1 млн теңгеге елді мекенге кіреберіс автомобиль жолын жа­рық­тандыруға арналған ЖСҚ әзір­леніп, қаржыландыру үшін тиісті бас­қар­ма­ларға бюджеттік өтінімдер жол­дан­ған.

Жүйелі жұмыстар жалғасады

Есепті кездесу мұнан әрі Мөрәлі Шәменов ауылында жалғасты. Аудан басшысы бастаған топ әдеттегідей ауыл халқының алдында тікесінен тік тұрып, халықпен етене танысып, ұсы­ныс-пікірлерін тыңдады.
Өңірлерді дамыту бағдарламасы аясында М.Шәменов ауылының кіре­беріс және Бұқарбай батыр көше­леріне бейнебақылау камера­лары ор­на­тылды. Сонымен қатар Қ.Алмасов көшесіндегі жасыл желектерге ар­нал­ған қоршау орнатылды.
Жалпы құны 90,2 млн теңгеге ауыл­ға кіреберістен сол және оң жақ кө­­шелердің құрылысы, сондай-ақ 169,9 млн теңгеге Ә.Тәшімбетов кө­ше­­сін жаңғырту жобаларының құжат­та­ры облыстық жолаушылар көлігі жә­не автомобиль жолдары бас­қар­ма­сы­на ұсынылып, бюджеттік өтінім жол­дан­ды.
«Ауыл – ел бесігі» жобасы шеңбе­рінде М.Шәменов ауылының Жамбыл және Б.Ердүзелова көшелеріне жалпы құны 69 млн 34 мың теңгеге күрделі жөн­деу жүргізіліп, жұмыстар толық аяқ­талды.
Бұдан бөлек елді мекендегі тұрғын үйлер секторының инженерлік-ком­му­ни­кациялық инфрақұрылымын, электр беру желілерін жаңғыртуға об­лыс­­тың бюджеттік кредиттері есебінен 340,5 млн теңге бөлінді. Жақын күндері мем­­ле­кеттік сатып алу конкурстары жа­­рияланатын болады.

Кентте кешенді жұмыс бар

Жұма күні кент орталығында аудан әкімі Ардақ Ибраимовтың тұр­ғын­дар алдында есебі тыңдалып, ауданда атқарылған жұмыстар сараланды. Кез­десу бары­сында 2026 жылға жос­пар­ланған жаңа жобалар нақ­тыланып, тұрғындар тарапынан түскен түйткілді мәселенің түйіні тарқатылды.
– Президент Жарлығы негізінде жылына екі мәрте өтетін дәстүрлі есеп­ті кездесулер өз жалғасын табу­да. Соңғы екі күн ішінде ауданға қа­­рас­ты барлық ауылдық округті ара­лап, тұрғындармен жүздесіп, ұсы­ныс-пікірлерін тыңдадық. Бүгін осы игі­лікті шараның кезегі Жалағаш кен­тін­де болып отыр. Ауданымыз ин­вес­­тиция тарту бағытында өңір бо­йын­ша «Үздік аудан» атанып, биік көр­сеткішке қол жеткізді. Бұл – бір­лі­гі­міздің, елдік мүдде жолында жұмыла ат­қарған еңбегіміздің жемісі. Облыс әкі­мі Нұрлыбек Машбекұлының қол­да­уының арқасында соңғы жыл­дары ау­данның тынысы кеңейіп, инфра­құ­рылымдық жобалар өңірдің өңін жа­ңарта түсті. Биылдың өзінде кенттің 11 көшесі жаңадан тыныс алып, ас­фальты тегістелді. Оған 678,7 млн тең­ге қаржы бөлінді. Оның ішінде 5 көше кенттің орталық бөлігінде, 6 көше Дәуімбайда орналасқан. Демеушілік есе­бінен тағы бірнеше көшеге асфальт төселді. Мұнан бөлек Бұқарбай ба­тыр ауылдық округінде 9 көше, Ақ­қыр ауылында 2 көше, Жаңадария ауы­лында 2 көше, Қаракеткен және Дал­дабай елді мекендерінде 16 көше жөн­делді. Сонымен қатар М.Шәменов ауы­лына кіреберіс аудандық маңызы бар автомобиль жолы, ауыл ішіндегі 2 көше және «Қызылорда-Жалағаш-Ақсу-Беркімбай» автомобиль жолы күр­делі жөндеуден өтті. Аққыр ауы­лында жаңа спорт кешені мен спорттық алаң бой көтерді. Бұл – Мемлекет бас­шысының шалғай елді мекендердің әлеуетін арттыруға бағытталған тап­сыр­масының нақты орындалуы. Со­нымен қатар кентте және ауылдық округтерде спорт алаңдары жаңғыр­тылып, кент орталығындағы орта­лық стадион Қазақстан Футбол фе­де­ра­ция­сының «ALAN» жобасы аясында қай­­та жөндеуден өтті, – деді аудан әкі­мі Ардақ Ибраимов.
Қазіргі таңда Жалағаш кентінде 45 көше жарықтандырылған. Биыл М.Шә­менов, І.Қабылов, С.Қалыбаев кө­ше­­­леріне демеушілік есебінен ­түн­гі жа­рықтандыру жұмыстары жүргі­зілді. Ұлы ­Же­ңіс­­­тің 50 жылдығы, Н.Мырза­лиев, Н.Әл­ма­­ған­бетов және А.Иманов кө­ше­­­ле­рін­дегі жарық шамдары жаңар­ты­лып, энер­гия үнемдейтін LED шам­дар­ға ауыс­тырылды.
Дәуімбай елді мекеніндегі Ұлы Же­ңістің 50 жылдығы көшесіне жаяу жүр­гіншілер жолын салуға 66 млн тең­гелік жоба әзірленіп, қаржылан­ды­руға ұсынылды. Сонымен қатар 12 көшені жарықтандыруға арналған ЖСҚ да­йын­далып, қаржы бөлу кезеңі күті­лу­де.
Кентте көркейту жұмыстары да бір ізге түскен. «Таза Қазақстан» акциясы аясында 4700 көшет отырғызылды, 2090 метр арық қазылып, 53 ша­қырым аумақ тазартылды. Кенттің ор­талық алаңын реконструкциялау мақ­сатында құны 315,2 млн теңгелік ЖСҚ әзірленді.
Аудандық аурухана мен емхана үшін орталықтандырылған кәріз жү­йе­­сінің ЖСҚ-сы дайындалып, қаржы­лан­дыруға жолданды. «Ақтерек» учас­­ке­сіндегі 170 гектар аумақта ин­же­­нерлік-коммуникациялық инфра­құ­рылым салуға арналған құны 1 млрд 65,5 млн теңгелік жоба әзір­лен­ді.
– Кент және ауылдық округтерде тозығы жеткен электр желілерін жаңар­ту бағытында да ірі жобалар жүзеге асы­рылуда. Бүгінде аудан халқы 100 пайыз орталықтандырылған ауызсу­мен қамтамасыз етілген. Биыл Есет батыр елді мекенінде ауыз­су жүйесі қайта жаңғыртылуда. Бұ­дан бөлек ауылдық округтерді ­газдан­ды­ру жо­басы бойынша Ақсу және ­М.Шә­ме­нов ауылдық округтері толық газ­ға қо­сыл­ды. Енді Қаракеткен мен Бұ­қарбай батыр ауылдарын газдан­ды­­руды бас­таймыз. Одан әрі қалған ауыл­­дарға да газ тарту жұмыстары ке­зең-кезеңімен жүзеге асатын бо­лады, – деді Ардақ Әбдіғаппарұлы.
Алдағы уақытта да ауданның эко­­но­­микалық әлеуетін нығайтып, тұр­ғын­­­дардың өмір сүру сапасын арт­­­ты­ру­ға бағытталған кешенді ­жұ­мыс­тар тұрақты түрде жалғасын тап­пақ. Кез­де­суде кент тұрғындары аудан көле­мінде атқарылып жатқан жұмыс­тарға оң бағасын беріп, алдағы жоба­лар­дың жүзеге асуына сәттілік тіледі.

Сезім НҰР