Құрметті бауырлар, дос-жаран, жас буын өкілдері!

Есірткі – бұл тек жеке адамның ғана емес, бүкіл қоғамның қасіреті. Ол денсаулықты құртумен қатар, болашаққа балта шабады. Есірткінің арбауына түскен адам тек өз өмірін емес, жақындарының өмірін де қасіретке айналдырады.

Есірткіге жол жоқ!
Біз бірге қоғамымызды есірткіден тазарту үшін әрекет етуіміз керек. Әр адам денсаулығы үшін, отбасының бақыты үшін, еліміздің жарқын болашағы үшін жауапты.

Салауатты өмір салтын ұстанайық!
Спортпен айналысып, білімге ұмтылып, мәдени құндылықтарды дәріптейік. Біздің күшіміз – бірлікте, денсаулықта және саналы өмір сүруде.

Көмекке мұқтаж жандарға қол созайық!
Есірткіге тәуелділікке тап болған адамдарды жазғыру емес, оларға көмек көрсету маңызды. Психологиялық қолдау мен емделу арқылы оларды қоғамға қайтаруға атсалысайық.

Есірткісіз қоғам – әрқайсымыздың қолымызда. Өзімізге, жақындарымызға және болашақ ұрпаққа қамқор болайық!

Өміріңді таңда! Есірткіге қарсы бірге күресейік!

Мұқаш Жансая
Қызылорда облысы, Жалағаш ауданы, Таң ауылы
№118орта мектеп 9 сынып оқушысы