Сыбайлас жемқорлық – кез келген мемлекеттің дамуына кері әсер ететін, қоғамның іргесін шайқалтатын қауіпті әлеуметтік құбылыс. Ол мемлекеттік басқару жүйесінің тиімділігін төмендетіп қана қоймай, халықтың билікке деген сенімін әлсіретеді. Сондықтан сыбайлас жемқорлықпен күрес – бүгінгі күннің ең өзекті мәселелерінің бірі.

Сыбайлас жемқорлық дегеніміз – қызметтік өкілеттікті жеке басының пайдасы үшін пайдалану. Бұл пара алу, пара беру, қызметтік жағдайды теріс пайдалану сияқты әрекеттер арқылы көрініс табады. Мұндай заңсыз әрекеттер қоғамдағы әділдік қағидаларын бұзып, әлеуметтік теңсіздікке әкеледі.

Қазіргі таңда Қазақстанда сыбайлас жемқорлыққа қарсы күрес мемлекеттік саясаттың басым бағыттарының бірі болып отыр. Елде арнайы заңдар қабылданып, уәкілетті органдар жұмыс істейді. Мемлекеттік қызметкерлердің ашықтығы мен есептілігін арттыруға бағытталған түрлі реформалар жүргізілуде. Сонымен қатар, цифрландыру үдерісі де жемқорлықтың алдын алуға үлкен ықпал етуде.

Сыбайлас жемқорлықпен күрес тек мемлекеттік органдардың ғана емес, бүкіл қоғамның ортақ міндеті. Әрбір азамат заң талаптарын сақтап, адалдық қағидаларын ұстануы қажет. Жастарды адалдыққа тәрбиелеу, құқықтық мәдениетті қалыптастыру – болашақта жемқорлықтың тамырын жоюдың маңызды жолы.

Сыбайлас жемқорлық – қоғамның дамуына кедергі келтіретін індет. Онымен күресу үшін заңнаманы жетілдірумен қатар, әрбір азаматтың саналы түрде қарсы тұруы қажет. Тек сонда ғана біз әділ әрі өркениетті қоғам құра аламыз.

Г.Айымбетова, Жалағаш аудандық санитариялық –эпидемиологиялық бақылау басқарма басшысы