Бүгінде аудандағы озат оқушылар білімін әр салада саралап, қабілетін шыңдауда. Мәселен, №118 орта мектептің бітіруші түлегі Гүлім Алматқызы – озат оқушының бірі. Ол түрлі білім бәйгелері мен қатар өнер, спорт саласында да өзінің мықтылығын дәлелдеген.

Биыл алтын ұя мектебімен қоштасып, үлкен өмірге қадам басатын Гүлімнің алға қой­ған мақсаты айқын. Сына­ма тесттерінен 100-ден жоғары балл жинап жүрген Гүлімнің таңдауы ағылшын тілі мен дүниежүзі тарихы пәніне түскен.
– Әзірге екі мамандық таңдап тұрмын. Бірі – ағылшын пәнінің мұғалімі болу, екіншісі – дипломат болу. Екеуі де жаны­ма жақын. Менің басты мақсатым – ұлтқа қызмет ету. Қай сала­ға барсам да елімнің дамуына өз үлесімді қосқым келеді. Бала күнімнен «саяхатшы» болсам деп армандап келемін. Осы екі мамандықтың біріне оқуға түсіп, еліме адал еңбек ету арқылы саяхатшы болғым келе­ді. Қателеспесем 7-ші сынып оқитын кезімде анама «Шоқан Уәлиханов секілді саяхат­шы болғым келеді» деп айтқан­ым есімде, – дейді озат оқу­шы.
Гүлімнің бастауыш сыныптан бастап әдебиетке де­ген қызы­ғушылығы ба­сым бол­ған. Өлеңдерді жатқа оқып, эс­се жаз­ған­ды жаны сүйетін қыз ақын­дық өнер­ден де кен­де емес. Ай­туын­ша, анасы да әдебиет­ке жа­қын. Отбасымен бірге кі­тап о­қып, шығарманы талдағанды жақсы көретін ол шаңырағында арнайы кітап бұрышы барын да жасырмады.
Кейіпкеріміздің бі­­лім дода­сында жет­­кен жетіс­­ті­гі көп. Ол «Дарын» об­лыс­­­тық қосым­ша білім беру орта­лы­­ғы «QAZAQ EPOS» қоғамдық қо­ры ұйымдастырған «Қобыланды ба­тыр» жырын жатқа айтудан «Тұл­пар мініп ту алған» байқауы­нан арнайы ал­ғыс хатпен марапатталған. Соны­мен қатар жалпы білім бере­тін мектептердің 7-11 сы­­нып оқушылары арасында өткізілген Республикалық І.Жансүгіров оқулары байқауының аудан­­дық, облыс­тық кезеңінен І орын алып, рес­пуб­ликалық кезеңде ІІ орын иелен­ген. Ал Республика­лық «Абай оқулары» байқауы­ның аудандық кезеңінен І орын алып, облыстан ІІ орын, республика­лық кезеңнен үздік үштік­ті түйіндеген. Мұнан бөлек мек­теп мақтанышы республикалық Мұқағали Мақатаев оқулары­на да қатысқан. Байқау­дың «Айтып өткен ақын­да арман бар ма?» айда­ры бойынша аудандық, облыс­тық кезеңнен сүрінбей өткен ол республикалық кезеңде ар­найы алғыс хат иеленген. Сон­дай-ақ 5-11 сынып оқушылары арасында өткен республика­­лық «Төлеген Айберген­ов оқула­ры» байқауының об­лыс­тық кезеңінде «Өз ға­сыр­ым өзімнің иенімде» бағы­ты бойынша І орын, республикалық кезеңнен де І орын алған. Озат оқушы мұнан бөлек «Жарқын болашақ» байқауында да топ жарған. Аудандық, облыстық, республикалық кезеңнен де сүрінбей өткен жас арнайы қаржылай сыйақымен де марапатталған. Тізе бер­сек, Гүлімнің жетістігі жетерлік.
– Бірде Абайдың қара сөз­дер­ін жатқа айту­дан республикалық жарыс­қа қатыс­тым. Өзі Абайдың 45 қара сөзі болса, мен оның 44-ін жат­тап бар­дым. Ең ұзақ отыз сегізін­ші қа­ра сөзін жарысқа дейін жаттап үлге­ре алмай, жарыстан ІІІ орын ал­ған болатынмын, – дейді кейіп­керіміз.
Мұнан бөлек, Гүлім мек­теп­тегі волейбол құрама­сы­ның ойын­шысы. Сондай-ақ мек­теп­тегі театр үйірмесіндегі қой­ылымдарда басты рөлдерді сомдаған. Аудандық, облыстық жарыстарға қатысып жүлделі орындар иеленген.
– «Табиғатты аялайық» атты театр қойылымында ауданнан І орын, облыстан ІІ орынды жеңіп алдық. Бұл қойылым да қазақстанның экологиялық мәселелерін көтере отырып, ауқымды көрініс шығардық. Қойылым «Мәңгілік бала бейне» шығарма желісі бойынша сахналанды. Мұнда Семей полигонында жарылыстан зардап шеккен Ләйлә есімді мүгедек қыздың рөлін сомдап шықтым. Шығарма желісі өте ауыр. Көрерменнің жүрегінен орын алып, көңілін босатып, жүрегін жылатқан мазмұнды шығарма, – дейді Гүлім Алматқызы.
Ол облыстық дарын­ды балалар ұйымының мүшесі. Сондай-ақ «Жыл оқушысы – 2023» номинациясының иегері. Кез келген оқушы­ның үлкен белесті бағындыруы тек өзінің ғана емес, ата-анасы мен ұстаздарының да еткен еңбегі­нің жемісі. Сұқбат со­­ңын­да Гүлім өзің білімге, спорт­­қа
баулып, әркез жетістікке, қабілеті­нің шыңдалуына шабыт бе­ре­тін ұстаздар­ына арнайылап әдебиет­­ке бау­лыған Гүлнар Жүнісоваға алғы­сын жаудыр­ды.

Ақтоты БҮРКІТБАЙ