Түркияда президент сайлауында дауыс берген сайлаушылар бюллетеньдерінің 99,9%-і саналды, деп хабарлайды TRT Haber телеарнасы.

Телеарнаның мәліметінше, оппозиция басшысы Кемаль Кылычдароглу жинаған дауыс саны 45%-ке өскен.

Қазіргі президент Реджеп Тайып Ердоған 49,34%, Синан Оған – 5,22%, Мухаррем Инже – 0,43% дауыс жинады.

Егер үміткерлердің бірі 50% дауыс жинаса, онда сайлау бірінші кезеңде аяқталады. Олай болмаған жағдайда жеңімпаз 28 мамырда екінші кезеңде анықталады.

Еске сала кетейік, 14 мамырда Түркияда президент сайлауы өтті.