1 сәуір күні Қазақстанның басым аумағында кең әрі суық антициклонның әсерінен жауын-шашынсыз, салқын күн райы күтіледі, деп хабарлайды Қазгидромет.

Республиканың тек батысында циклон жырасының және атмосфералық фронталды бөліктердің өтуіне байланысты жаңбыр жауады. Оңтүстік-батыста қатты жаңбыр, найзағай болжанады. Таулы аудандардың оңтүстік-шығысында жаңбыр мен қар түрінде қатты жауын-шашын түсуі ықтимал. Республика бойынша елдің оңтүстігі мен оңтүстік-батысында екпінді жел тұрып, оңтүстікте – шаңды дауыл, оңтүстік-шығыста тұман болады.