Жалағаш аудандық «Жалағаш жаршысы» газетінің сайты

31°C

, Дүйсенбі, 24 маусым, 17:39

Абай облысында төтенше жағдай жарияланды

25.05.2023

416

0

Бүгін Абай облысындағы Бородулиха ауданында төтенше жағдай жарияланды, – деп хабарлайды Zhalagash-zharshysy.kz тілшісі «Қазақстан» телеарнасына сілтеме жасап.

Ресей аумағынан басталған өртті мамандар 3 тәуліктен бері өшіре алмай жатыр. Тілсіз жау қарағайлы орманның 3500 гектарын жайлаған. Қызыл жалынмен күреске 600 адам, 130-дан аса техника жұмылдырылған. Кеше қосымша Астана, Қарағанды мен Павлодардан 200-ден аса адам мен 40-қа жуық өрт сөндіру көлігі көмекке келді. Өрт тікұшақтармен әуеден сөндіруге де ырық бермей тұр. Желдің екпіні және сулы-батпақты жерлер кедергі келтіріп, ауыр техниканың қозғалысын қиындатқан. Елді мекендерге әзірге келер қауіп жоқ. 277 тұрғын өз күштерімен қауіпсіз жерге кеткен. Төтенше жағдайға байланысты Бородулиха ауылында 330 орынға 3 эвакуациялық пункт дайындалды.

«Жел күшейіп кетті. Қозданып жатқан жерлер қайта тұтанды. Желдің бағыты да солтүстікке ауысып, Березовка ауылына қарай бағытталды. Сондықтан бар күшті салып жатырмыз. Мамандар күні-түні тоқтаусыз жұмыс істеп жатыр», – деді Абай облысы әкімінің орынбасары Димитрий Гариков.

Еске салайық, 22 мамырда өртсөндірушілерге Ресейдің Алтай өлкесінің аумағында құрғақ шөп өртеніп, өрттің «Семей орманы» мемлекеттік табиғи резерваты аумағына өткені туралы хабарлама түскен. 

Пікірлер жоқ. Бірінші болыңыз!

Пікір жазыңыз

Тағы да оқыңыз: