Баршамызға белгілі республика көлемінде «AMANAT» партиясының бастамасымен әлеуметтік маңызы бар азық-түлік бағаларына партиялық мониторинг топтары құрылған болатын. Қазіргі таңда еліміз бойынша сауда үйлері, базарлар мен супермаркеттерде тұрақты түрде мониторинг жұмыстары жүргізілуде.

Осы орайда, бүгін партияның аудандық филиалы жанынан құрылған мониторингтік топ мүшелері Жалағаш кенті орталығындағы сауда дүкендері мен базарларға мониторинг жұмыстарын жүргізді. Аталмыш жұмыстар аясында «Әлеуметтік маңызы бар азық-түлік» тауарларына сауда үстемесінің мөлшерін арттыру» және Қазақстан Республикасының «Сауда қызметін реттеу туралы» Заңына сәйкес заң аясында түсіндірме жұмыстары жүргізілді.