Еңбек пен Аламесек ауылдық округіндегі сайлаушылар дауыс беруде әлі де белсенді. 14.00-ге дейін қос ауылда бірқатар сайлаушы өз таңдауын жасады.

Аламесек ауылдық округінің тұрғыны Тұрсынбек Қорғанбеков те – бүгін Жалағаш аудандық мәслихатының депутатын сайлауда өз таңдауын жасағандардың бірі. Ол жерлестерінің саяси науқандағы белсенділігін жақсылыққа жорып отыр. Сөзінше, халық мұндай маңызды сайлауда белсенді болуы керек.

– Иә, бүгін – маңызды сайлау. Сондықтан өз таңдауымды жасап, қалаған үміткеріме дауыс бердім. Көріп отырғандарыңыздай, халық белсенді. Бұған қуанамын, себебі бұл маңызды саяси науқан екені айтпаса да белгілі. Ауылдың, ауданның, елдің болашағына бейжай қарамайтын жұрт дәл осылай сайлауда белсенді болуы керек, – дейді ол.