Жалағаш аудандық «Жалағаш жаршысы» газетінің сайты

-0°C

, Дүйсенбі, 26 ақпан, 15:44

Еуро-2024: Қазақстан Солтүстік Ирландияны жеңді

20.06.2023

845

0

2024 жылғы Еуропа чемпионатының іріктеу кезеңінің матчында Қазақстан құрамасы Белфастта Солтүстік Ирландиямен ойнады, деп хабарлайды Zhalagash-zharshysy.kz Sports.kz сайтына сілтеме жасап.

Футболдан Қазақстан құрамасы Еуро-2024 іріктеуінде төртінші тур ойынын өткізді. Ойын алаңында футболшыларымыз табандылық танытып, қарсыласын 1:0 есебімен жеңді.

Матчтағы жалғыз голды алаңға 88-минутта шыққан Абат Айымбетов соқты. «Астана» шабуылшысы өз аймағында допты қабылдап, британиялық команда қорғаушыларын қапы қалдырды. Тура қақпаға қарай жылжып, допты Бэйли Пикок-Фаррел қорғайтын қақпаға дәл бағыттады.

Матч аяқталған соң команданың бас бапкері Магомед Адиев ойыншыларға ризашылығын білдірді.

Төрт турдың қорытындысы бойынша ұлттық құрамамыз тоғыз ұпай жинады. Ал Солтүстік Ирландияның үш ұпайы бар. Қазақстан құрамасы келесі кездесуін 7 қыркүйек күні өз алаңында тоғыз ұпай жинаған Финляндиямен өткізеді.

Пікірлер жоқ. Бірінші болыңыз!

Пікір жазыңыз

Тағы да оқыңыз: