Француз әзіл-сықақ газеті «La Bougie du Sapeur» тек 29 ақ­панда шығады.

Осы уақытқа дейін газеттің 11 саны жарық көрді. Небір қызық мақалалар, фельетон, шарждар жарияланды. Ал ең қызығы, кроссворд та бар. Оның жауаптарын келесі нөмірде, яғни төрт жылдан кейін ғана біле аласыз. Мысалы, 2004 жылы газеттің жексенбілік арнайы шығарылымы шықты, өйткені сол жылы 29 ақпан жексенбіге тура келді. Мынаны қараңыз, ал екінші жексенбілік нөмір 2032 жылға жоспарланып отыр. Бұл ерекше газетке бір ғасырға жазылуға болады. Құны – 100 еуро.