Кездесуге жиылған республикалық пәндік олимпиада жеңімпаздары аудан әкімі Ардақ Ибраимовпен еркін форматта пікірлесіп, ашық диалог құрды.

«Сіздер аудан, облыс, республикалық олимпиадада білімдеріңізді дәлелдеп, жеңімпаздар қатарынан көрініп келесіздер. Мемлекет басшысының, Үкіметтің қолдауымен қазіргі таңда өңіріміздің білім саласында ауқымды жобалар жүзеге асырылуда. Облыс әкімінің тікелей қолдауымен аудандағы мектептер заман талабына сай жабдықталды, бұл бағыттағы жұмыстар одан әрі жалғасатын болады. Қазір білім аламын деген жастарға барлық жағдай жасалған. Өздеріңіз білетіндей, Мемлекет басшымыз 2025 жылды «Жұмысшы мамандықтар жылы» деп жариялады. Экономиканы өркендетуде білікті мамандар әркез сұранысқа ие, сондықтан ауданда қазіргі еңбек нарығына қажетті мамандар тізімі жасақталды. Елдің болашағы өздеріңіз секілді білімді жастар. Алдағы ұлттық бірыңғай тестілеуден сәтті өтіп, болашақта сұранысқа ие мамандықты меңгеріп шығуларыңызға тілектеспін, – деді аудан әкімі Ардақ Ибраимов.

Жиын соңында білім бәйгелерінде топ жарып жүрген озат оқушылар облыс әкімі атынан бағалы сыйлықтарға ие болып, аудан әкімінің Алғыс хатымен марапатталды.