Жалағаш ауданының әкімі Ардақ Ибраимовтың төрағалығымен мәжіліс өтті. Жиынға ауылдық округ әкімдері селекторлық режим арқылы қатысты.

Мәжілісте мемлекеттік бағдарламалардың ауданда жүзеге асырылуы, «Ауыл Аманаты» жобасының орындалуы, әлеуметтік маңызы бар азық-түлік тауарларының бағасын тұрақтандыру бағытында атқарылып жатқан жұмыстар қаралды.

Аудан әкімі «Ауыл Аманаты» жобасы бойынша тұрғындардың кәсіп бастауына жағдай жасау, қаржыландырылған жобалардың іске асырылуын бақылауда ұстау, әлеуметтік маңызы бар азық-түлік тауарларының бағасына мониторингті тұрақты жүргізуді тапсырды.