«AMANAT» партиясы Жалағаш аудандық филиалының «Мәдени мұра» бастауыш партия ұйымының ұйымдастыруымен 1 маусым – Халықаралық балаларды қорғау күніне орай «Бақытты отбасы» партиялық жобасы аясында «Бақытты балалық шақ» тақырыбында сурет салу шарасы болып өтті.

Аталған шараның басты мақсаты – балаларға мерекелік көңіл күй сыйлай отырып, олардың шығармашылық қабілеттерін дамыту. Сурет салуғa деген ынталарын артыру болып табылады.
Балалар өз жұмыстарында «Бақытты балалық шақ» түсінігін отбасының бірлескен бос уақытының суреттері арқылы, ойнау, қоршаған әлемнің сұлулығы, сүйікті ісімен баурап алу мүмкіндігі арқылы түсінді.