Облыстық білім басқармасы жанынан білім беру ұйымдарындағы асхана және тамақтану сапасын бақылау мақсатында құрылған ведомствоаралық сараптамалық топ Жалағаш ауданындағы мектептерге мониторинг жұмыстарын жүргізді.

Топ құрамында: облыстық білім басқармасы балалар мен жасөспірімдерді әлеуметтік қорғау бөлімінің бас маманы Абдикерова Перизат, «Жалағаш аудандық ауруханасы» ШЖҚ КМК-ның бас дәрігердің ана мен бала жөніндегі орынбасары Аманжолова Райля, «AMANAT» партиясы Жалағаш аудандық филиалының консультанты Әбдісаттарұлы Жангелді.

Мониторинг барысында білім беру ұйымдарындағы асханалар жұмысының санитарлық ережелерге, сондай-ақ балалар тамағының арнайы бекітілген нормаларға сәйкестігі, тамақтандыру бойынша құжаттардың заңға сай рәсімделуі және басқа да талаптардың орындалуы зерделенді.