Жалағаш аудандық «Жалағаш жаршысы» газетінің сайты

14°C

, Сейсенбі, 16 сәуiр, 04:06

Қазақстан 26 елмен визасыз режим енгізеді

04.05.2023

4446

0

Қазақстан 26 елмен өзара визасыз режим енгізу бойынша келіссөздер жүргізіп жатыр, деп хабарлайды Egemen.kz.

Мәдениет және спорт министрлігі ұсынған деректерге қарағанда, визасыз режим туралы келіссөз жүргізіп жатқан елдер қатарында Австрия, Сауд Арабиясы, Сан-Марино, Бахрейн және тағы басқалары бар.

«Сонымен қатар азаматтары Қазақстанға электронды виза алуға өтініш бере алатын елдердің тізімін кеңейту, шақыру талабын алып тастау мәселелері де қарастырылып жатыр», делінген ведомство ақпаратында.

Сондай-ақ БАӘ тұрғындарына жеңілдетілген виза беру мәселесі талқыланып жатыр.

«Қазақстан шетелдік саяхатшылар үшін қызық және министрлік еліміздің туристік әлеуетін толық ашуға, соның ішінде келетін туристер ағынын арттыру үшін жұмыс істеп жатыр. Оның үстіне министрлік қазірдің өзінде көші-қонды бақылауды жақсарту тетіктерін енгізеді. Мысалы, eQonaq ақпараттық жүйе», деді ҚР МЖСМ ресми өкілі Мөлдір Әбдуалиева.

Қазақстан тағы 26 елге визасыз режим енгізетіні 2022 жылдың 28 қыркүйегінде белгілі болды.

Бұған дейін бірқатар БАҚ Қытай мен Қазақстан арасында 30 күндік визасыз режим орнатылатынын жазған еді. Алайда, 2023 жылдың 17 сәуірінде ҚР Сыртқы істер министрлігінің ресми өкілі Айбек Смадияров құжаттың әлі де талқылану үстінде екенін мәлімдеді.

2 мамырда Айбек Смадияров Қазақстан мен Қытай арасындағы визасыз режимнің артықшылықтары туралы айтты. Оның айтуынша, 2023 жылдың мамыр айында Сиань қаласында өтетін Орталық Азия-Қытай саммиті аясында 30 күнге дейін өзара визасыз режим туралы келісімге қол қойылады деп жоспарланып отыр. 

Пікірлер жоқ. Бірінші болыңыз!

Пікір жазыңыз

Тағы да оқыңыз: