«Қарасора-2025» жедел-профилактикалық іс-шарасы барысында  Қызылорда облысы ПД Қармақшы ауданы полиция бөлімінің қызметкерлері заңсыз есірткі өсіру дерегінің жолын кесті.      

Аудан тұрғынынан қапқа салынған 1 келі 607 грамм кептірілген марихуана алынған. Ол далалық жерде сора өсімдігін өсірген.

Оқиға орнын қарап тексеру барысында 132 түп сора өсімдігі анықталған. Сараптама қорытындысымен тәркіленген заттар  салмағы 24 кг. 824 гр. болып шықты.

Күдікті уақытша ұстау изоляторына қамалды. Тергеу амалдары жалғасуда.