Жалағаш аудандық «Жалағаш жаршысы» газетінің сайты

10°C

, Жұма, 29 наурыз, 03:56

Қызылордада тұтынушылардың өтініші бойынша 1,2 млн. теңгенің қаражаты қайтарылды

01.08.2022

360

0

Биыл облыста тұтынушылар құқығының бұзылу дерегі бойынша 159 өтініш түскен. Бұл өткен жылмен салыстырғанда 32,5 пайызға өскен. Түскен арыздардың басым көпшілігі – бөлшек сауда саласына қатысты екені анықталды. Бұл туралы Өңірлік коммуникациялар қызметінде өткен брифингте облыс бойынша тұтынушылардың құқықтарын қорғау департаментінің басшысы Ерқасым Сүлейменов мәлімдеді.

«Бірінші жартыжылдықта келіп түскен арыздарға талдау жүргізілген болатын. Нәтижесінде бөлшек сауда саласына қатысты – 91 өтініш, тұрғын-үй коммуналдық шаруашылық қызметтері бойынша – 28, электрондық сауда – 13, қоғамдық тамақтану бойынша – 5, қаржы қызметі бойынша – 3 және де басқа салалар. Аталған өтініштердің 108-і заңға сәйкес қаралып, тиісті шаралар қабылданды. Ал 28 өтініш басқа мемлекеттік органдарға жолданды. Жалпы жыл басынан бері тұтынушыларға барлығы – 1,2 млн. теңгенің қаржысы қайтарылды. Сондай-ақ, тұтынушылардың құқығын қорғауға арналған кейбір заңнамалық актілерге, заңдарға өзгерістер мен толықтырулар енгізіледі. Әзірге бұл заң жобасы уәкілетті органмен қаралып, мүдделі мекемелер және үкіметтік емес ұйымдар арқылы талдануда», – деді департамент басшысы Ерқасым Сүлейменов.

Пікірлер жоқ. Бірінші болыңыз!

Пікір жазыңыз

Тағы да оқыңыз: