Сенаттың жаңа депутаты Наурызбай Сейтқалиұлы Байқадамов ант берді, деп хабарлайды Egemen.kz.

«Қазақстан халқына адал қызмет етуге, Қазақстан Республикасының тұтастығы мен тәуелсіздігін нығайтуға, оның Конституциясы мен заңдарына қатаң бағынуға, депутаттың өзіме жүктелген мәртебелі міндеттерін адал атқаруға ант беремін», деді Наурызбай Байқадамов.

Сенат спикері Мәулен Әшімбаев жаңа депутатты құттықтап, алдағы қызметіне сәттілік тіледі.

Сондай-ақ сенатор Амангелді Нұғманов халықаралық қатынастар, қорғаныс және қауіпсіздік жөніндегі тұрақты комиссия құрамына сайланғанын айта кету керек.