Сәуір айында бастау алған «Таза Қазақстан» республикалық экологиялық акциясы Жалағаш кентінде әлі де жалғасын табуда. Өткен аптаның соңында акция аясында аудан және ауылдық округтерде жаппай сенбілік шаралары ұйымдастырылды. Тазалық жұмыстарына аудан бойынша меншік нысанына қарамастан, 145 мекемеден қызыметкерлер белсенділік танытып, 24 техника жұмылдырылды.

Сенбілікте көшелер мен саябақ­тар­дағы қоқыстар алынды, қураған тал­дар кесіліп, аяқсу жүретін арықтар жа­пырақтардан тазартылып, күл-қо­қыс­тар белгіленген орындарға шыға­рыл­­ды.
Тазалық жұмыстарына аудан тұр­ғын­дары да бір кісідей атсалысып, әрбір ұжым бөлінген аумақтарды, көше­лерді күл-қоқыстан арылтты. Өңірдің өркен­деуін, елді мекеннің мұнтаздай таза бо­луын ортақ абырой деп білетін ау­дандағы барлық мекеме ұжымы жол жиегіндегі арықтарды да тазалап, сенбілік жұмыстарының қар-қын алуына өз үлестерін қосты.
Тазалық акциясында жабайы шөп­­­тер шабылып, қураған талдар кесіліп, аяқсу жүретін арықтар қураған жапырақтардан тазартылды. 13 тон­на­­ға жуық күл-қоқыс белгіленген орын­дар­ға шығарылды.
Қазір аудандағы әрбір мекеме ұжы­мы тазалық маусымында табандылық танытып жатқанын көріп отырмыз. Енді әрбір сенбілікке жергілікті тұрғын­дар да өз үлесін қосуда аянып қал­мауы керек. Әрбір адам өзі тұратын үй­дің ауласы мен көшелердің көр­кеюіне және тазалығына мән берсе, күл-қоқыстармен келетін түрлі инфек­циялық аурудың болмасы да анық. Әсіресе көше бойына қойылған қоқыс жәшігіне салынатын қалдықтардың тиісті жәшіктің ішіне салынуы, ол тол­ған жағдайда жауапты мекеменің уақытында тазартып отыруы да үлкен септігін тигізеді.
– Тазалық жұмыстарына немқұрай­лы қарауға болмайды. Мұндай шара­ларда бәріміз белсенді болуымыз керек. Сенбілікке апта сайын шығамын, күнара ауланың тазалығына да мән беремін. Үйіне қонақ келетін кезде ал­дын ала дайындалады ғой, сол секілді біз де ауданның та­за­лы­ғына, көркейіп-гүлденуіне жіті мән беруіміз керек. Сырттан келген мей­мандар ауданның тазалығына қы­­зыға да, қызғана да қарауы үшін сенбілікте баршамыз бел­сенді болуымыз керек. Оған өзім де үлес қостым және оны міндетім деп есеп­теймін, – дейді аудан тұрғыны Болат Аққасынов.
Өңірдің өркендеуіне, мұнтаздай таза болуына атсалысу – әрбірімізге азаматтық парыз. Кенттің көркейіп-көгалдануы тек қаражатқа келіп тірел­мейтінін түсінуіміз керек. Яғни өңірдің әрбір күл-қоқысын тазарту – екі қол­дың көмегімен жасалатын іс. Біле біл­­сек, сол күл-қоқысты тастайтын өзі­­міз, әр ауланың айналасына тұрмыстық қал­дықтарды жинап қоятын да біз, қалаберді адам аяғы басуға бол­майтын кір суын да төге салатын сол тұрғындардың өзі.
Адам баласы ақыл айтуға шебер ғой, бірақ сол өзгеге айтқанын өзі де істесе дұрыс-ақ. Елмен бірге тазалық ай­лығында сол өзіміз тастайтын күл-қоқыстан көшелерді тазартуға, арық­­тарды қалдықтардан арылтуға ат­са­лыссақ, бірлігіміздің артқаны, бе­ре­кеміздің тасығаны болар еді. Сен­білікте серпінді жұмыс жасаған Болат ағамыздың да айтпағы осы.

Ақнұр АЛТЫНБЕК