Қазақстанда  2024 жылдың 1 қаңтарынан бастап мүгедектік және асыраушысынан айырылған жағдайда төленетін әлеуметтік төлемдердің мөлшері өседі. Қазақстан Республикасының Премьер-министрі Әлихан Смайылов тиісті қаулыға қол қойды, деп хабарлайды  Zhalagash-zharshysy.kz тілшісі Egemen.kz сайтына сілтеме жасап.

Құжатта 2024 жылдың 1 қаңтарынан бастап Мемлекеттік әлеуметтік сақтандыру қорынан мүгедектік және асыраушысынан айырылған жағдайда тағайындалатын әлеуметтік төлемдерді 7 пайызға арттыру көзделгені жазылған.

Бұл өсім еңбекке қабілеттілігі жоқ 87 мыңға жуық адамды және асыраушысынан айырылған 59 мың отбасыны қамтиды. Бұл мақсаттарға 5 миллиард теңгеден астам қаржы бөлінеді.

Айта кетейік, Әлеуметтік кодекске сәйкес, Қазақстан Республикасының Үкіметі мүгедектік және асыраушысынан айырылған жағдайда төленетін төлемдердің көлемін жыл сайын арттырып отырады.