UFC-дің жеңіл орта салмақтағы жауынгері, жеңіліп көрмеген отандасымыз Шавкат Рахманов 8 желтоқсан таңертең ирландиялық Иэн Гэрриге қарсы сегізбұрышқа шығады, деп жазады Egemen.kz.

UFC 310 турнирі АҚШ-тың Лас-Вегас қаласында өтеді.  Шавкат Рахманов  (18-0) –  Иэн Гэрри (15-0) кездесуі турнирдің басты жекпе-жегі болмақ. 

Бүгін таңғы 8:00-де екі ережесіз жекпе-жек шебері UFC 310 турнирі аясында көз түйістірді. 

Kill Cliff жаттығу залындағы бұрынғы командаластар бір-бірін жылы шыраймен қарсы алды. Олар «Салмақ қалай?», «Дайынсың ба?», «Әрқашан дайынмын», деп екеуара аз-кем тілдесті.