Қоғамның дамуы ең алдымен азаматтардың белсенділігі мен ортақ іске деген жауапкершілігінен басталады. Мемлекет пен халық арасындағы өзара байланысты нығайту, елдік мәселелерді талқылау және азаматтардың ұсыныс-пікірлерін ескеру – бүгінгі күннің маңызды міндеттерінің бірі. Осы тұрғыдан алғанда, Құрылтайдың қоғамдық өмірдегі орны айрықша.

Құрылтай – елдің өзекті мәселелері талқыланатын, қоғамның түрлі топтарының ой-пікірі тоғысатын маңызды қоғамдық алаң. Мұнда азаматтардың бастамалары мен ұсыныстары ортаға салынып, ел дамуына қатысты мәселелерге қатысты ортақ ұстаным қалыптастыруға мүмкіндік беріледі.

Қазіргі таңда қоғамда болып жатқан өзгерістер әр азаматтан белсенділік пен жауапкершілікті талап етеді. Әсіресе, жастардың, еңбек адамдарының, зиялы қауым өкілдерінің, кәсіпкерлер мен қоғамдық белсенділердің елдік мәселелерге араласуы маңызды. Себебі қоғамның әр саласында жүрген азаматтардың өзіндік тәжірибесі мен ұсынысы бар.

Осы ретте Құрылтай сайлауы – азаматтардың қоғамдық өмірге араласуына мүмкіндік беретін маңызды кезең. Өз таңдауын жасау арқылы әр азамат елдің қоғамдық дамуына деген көзқарасын білдіреді. Сайлауға қатысу – тек дауыс беру ғана емес, ел болашағына деген азаматтық жауапкершілікті сезіну.

Бүгінгі қоғамға бейжай қарамайтын, елдің ертеңіне алаңдайтын азаматтардың белсенділігі аса қажет. Өйткені мемлекет дамуы тек мемлекеттік институттардың жұмысына ғана емес, азаматтық қоғамның белсенділігіне де тікелей байланысты.

Құрылтайдың мәні де осында – қоғамның үнін есту, азаматтардың ұсынысын жеткізу және елдік мәселелерді ортақ талқылау.

Сондықтан алдағы Құрылтай сайлауына әр азаматтың саналы түрде қатысуы маңызды. Әр таңдау – қоғамның болашағына жасалған қадам. Елдің ертеңі бүгінгі азаматтық ұстанымымызға байланысты.

Құрылтай – ортақ ойдың, ортақ мақсаттың және елдік жауапкершіліктің алаңы.