Құқықтық жүйені цифрландыру – қазіргі заманның басты бағыттарының бірі. Бұл бағытта сот ісіндегі электронды арыз беру – азаматтарға өз құқықтарын тиімді әрі жылдам қорғауға мүмкіндік беретін маңызды құралға айналып отыр.

          Электронды арыз берудің артықшылықтары Сотқа электронды түрде арыз беру азаматтарға келесі жағынан қолайлы:

         Уақыт үнемдеу: Құжаттарды қағаз күйінде дайындау мен тасымалдаудың қажеті жоқ. Барлық процесті онлайн режимде орындауға болады.

          Қолжетімділік: Қала немесе шалғай аймақта тұратын азаматтар үшін сотқа бармай-ақ арыз беру мүмкіндігі туындайды.

Тіркеу мен бақылау: Электронды жүйе арыздың түскенін дәлелдейді және оның қаралу барысын бақылауға мүмкіндік береді.

Ыңғайлы интерфейс: Электронды портал арқылы арызды толтыру, қоса тіркелетін материалдарды жүктеу, арыздың күйін көру сияқты функциялар қарастырылған.

       Жүйені қолдану тәжірибесі

        Қазіргі таңда көптеген азаматтар мен заңгерлер электронды арыз берудің артықшылықтарын пайдаланып жүр. Бұл судьялар мен сот аппараттарына да процесті тиімді басқаруға, өтініштерді жүйелі өңдеуге жағдай жасайды. Құқықтық көмек мамандары да электронды арыздың қарастырылуы жеңіл әрі түсінікті екенін айтады.

         Электронды арыз беру – азаматтардың құқықтық қолжетімділігін арттыратын маңызды құрал. Ол уақытты үнемдеуге, процесс тиімділігі мен ашықтығын қамтамасыз етуге көмектеседі. Болашақта бұл жүйе одан әрі дамып, сот қызметтерінің барлық бағытында сапалы қызмет көрсетуге жағдай жасайды.

                                                               Жалағаш аудандық сот әкімшісінің

                                                              басшысы  А.Алтынбаев