Қазақстан Республикасы Парламенті Мәжілісіндегі «AMANAT» партиясы фракциясының мүшесі Мұрат Әбенов М.Шәменов ауылындағы тұрғындармен кездесіп, сайлаушылардың ұсыныс-пікірлеріне құлақ асты.

Іс-сапардың мақсаты – халықпен кездесіп ұсыныс пікірлер жинақтау, партияның сайлауалды бағдарламасы аясында атқарылып жатқан жұмыстар және Парламент қабырғасында талқыланып жатқан заң жобалары туралы ақпараттармен бөлісу.

«AMANAT» партиясының фракциясының мүшесі Мұрат Әбенов партиялық жобалар аясында атқарылған жұмыстарға тоқталып «Жер аманаты», «Ауыл аманаты» партиялық жобалары туралы тілге тиек етті. Сонымен қатар, ауыл тұрғындары өз көкейкесті мәселелерін жеке қабылдау арқылы айтып өтті.