Бүгін өңірдің басым бөлігінде қар жауып, «Самара-Шымкент» тасжолында көктайғақтың алдын алу бойынша жұмыстар жүргізілді.
Атап айтқанда, республикалық маңызы бар күре жолдың 1702-2056 шақырым аралығында (Жалағаш, Сырдария, Шиелі, Жаңақорған аудандары және Қызылорда қаласы аумағында) тайғаққа қарсы материал себілді. Оған «ҚазАвтоЖол» компаниясына қарасты «КАЖсервис» ЖШС-нің Қызылорда облыстық филиалынан14 арнайы техника мен 6 тиегіш көлік жұмылдырылып, жол бойында 50 жуық адам тынымсыз еңбек етуде.
«Қазіргі таңда жолға 150 тоннаға жуық құм-тұз араласқан материал себілді. Жағдай бір қалыпты. Жолда шектеулер орын алған жоқ. Көлік қатынасы екі бағытта да кедергісіз жүріп жатыр»- дейді «КАЖсервис» ЖШС-нің Қызылорда облыстық филиалының директоры Нұрбол Абызбаев.
![6f223aaf-a2f0-4f88-be8c-42e308bb8485.jpg](https://knadmin.beoblood.kz/uploads/6f223aaf_a2f0_4f88_be8c_42e308bb8485_25c17f4de3.jpg)
![cb6b381c-69db-40e4-b234-179c6199d010.jpg](https://knadmin.beoblood.kz/uploads/cb6b381c_69db_40e4_b234_179c6199d010_962735d10c.jpg)
![c7259947-6b53-4d4d-ae91-4a6f80e6c90d.jpg](https://knadmin.beoblood.kz/uploads/c7259947_6b53_4d4d_ae91_4a6f80e6c90d_31c9176ff2.jpg)
Пікірлер жоқ. Бірінші болыңыз!